İraq ordusu İŞİD terror qruplaşmasının lideri Əbu Bəkr əl-Bağdadinin Mosuldan qaçdığını iddia edir. Bu barədə Trend RİA Novosti-yə istinadən məlumat verir.
Kəşfiyyat da əl-Bağdadının hava zərbələrindən qorunmaq üçün canlı sipər məqsədilə 150 ailə ilə birgə qaçdığını bildirir.
Bundan əvvəl hərbçilər bəyan etmişdilər ki, Mosulun azad edilməsi əməliyyatı başlayandan indiyədək İŞİD-in iki mindən çox döyüşçüsü məhv edilib.
Bu arada İraq hökumət qüvvələri Mosulun cənubunda İŞİD terror qruplaşmasının rəhbərlərindən birini də zərərsizləşdirib. Əl-Ərəbiyyə telekanalının məlumatına görə, Əlcəzair əsilli səhra komandiri Əbu Həmzə hökumət qüvvələrinin tam nəzarətinə keçmiş Hamam-əl-Əlil bölgəsində öldürülüb.
Xatırladaq ki, İraq ordusu beynəlxalq koalisiyanın və yerli silahlı qrupların dəstəyi ilə Mosulun İŞİD-dən azad olunması ilə bağlı oktyabrın ortalarında genişmiqyaslı əməliyyatlara başlayıb.
İraqın ikinci ən böyük şəhəri olan Mosul 2014-cü ildən İŞİD-in nəzarətində idi.
