ABŞ-da keçiriləcək prezident seçkilərinə bir həftədən az bir müddət qalmış Demokratların namizədi Hillari Klinton daha bir sürprizlə qarşılaşıb. Baki-xeber.com xəbər verir ki, Klintonun ögey oğlu olduğunu iddia edən bir qaradərili gənc ortaya çıxıb.
Vaşinqtondakı Milli Mətbuat klubunda mətbuat konfransı keçirən Danney Uilyams adlı gənc Bill Klintonun oğlu olduğunu iddia edib.
"Mən Bill Klintonun oğluyam. Hillari mənim ögey anam və Çelsi mənim bacımdır" deyən Uilyams, iddialarının sübut olunması üçün DNT testi keçirməyə çağırıb.
ABŞ-ın Arkansas ştatında yaşayan gənc, iddiasının yeni olmadığını və 1990-ci ildən bəri bunu isbat etmək üçün çalışdığını deyib.
Bill Klintonun oğlu olduğunu, narkotik aludəçisi anasını kiçik yaşda itirdiyini iddia edən qaradərili gənc Klinton ailəsinin onunla əlaqə yaratmasını istəyib.
"Respublikaçıların namizədi Donald Tramp tərəfindən maliyyələşdirilib-maliyyələşdirilmədiyi" sualına etiraz edən gənc, vəkil xərcləri də daxil olmaqla bütün xərcləri özü çəkdiyini və mübarizəsinin prezident seçkilərilə əlaqəsi olmadığını deyib.
TAHİR
