"Fərat qalxanı Suriyanın ərazi bütövlüyünü pozmaq məqsədini güdmür
"Fərat qalxanı" əməliyyatı Suriyanın ərazi bütövlüyünü pozmaq məqsədini güdmür. Trend-in "TRT Haber" telekanalına istinadən verdiyi məlumata görə, bunu Türkiyə Prezidenti Rəcəb Tayyib Ərdoğan G20 sammiti zamanı deyib.
Onun sözlərinə görə, İŞİD-dən təmizlənmiş ərazilərdə Azad Suriya Ordusunun dəstələri yerləşdirilib.
Ərdoğan deyib ki, Türkiyə və Rusiya Hələbdə atəşkəsin əldə edilməsi üçün danışıqlar aparır. Onun sözlərinə görə, hər iki ölkə üçün Hələbdə atəşkəsin əldə edilməsi vacib məsələlərdən biridir.
Baki-xeber.com xəbər verir ki, Ərdoğan bildirib ki, Qurban bayramından öncə Hələbdə atəşkəs əldə edilə bilər. O, qeyd edib ki, bununla bağlı ABŞ, Rusiya və Türkiyə XİN başçıları danışıq aparır.
Suriyada indiyə kimi 600 mindən çox insanın öldürüldüyünü deyən Ərdoğan bildirib ki, qatil Əsəd hakimmiyyətdə qalmasına dəstək vermək utancverici bir hərəkətdir.
Ərdoğan onu da qeyd edib ki, Suriyada Türkiyə ordusu tərəfindən terrorçulardan təmizlənən bölgələrdə uçuşa yasaq bölgə yaradılması ilə bağlı Obama və Putinə təkliflər verib.
