Əfqanıstan Prezidentinin idarəsi bildirir ki, Talibanla sülh danışıqlarına başlamaq planları yoxdur. Prezident Əşrəf Qaninin sözçüsü Harun Çakhansuri iyulun 14-də deyib ki, Taliban təmsilçilərilə danışıqları başlatmaq məqsədilə yaradılmış dörd tərəfli qrupun görüş planı yoxdur. Məlumatı "Associated Press” agentliyi yayıb.
Əfqanıstan, Pakistan, Çin və ABŞ təmsilçilərindən ibarət bu qrup bu il 5 dəfə, Kabildə və Pakistanda görüşüb. Amma Taliban danışıqlarda iştirakdan imtina edib.
Qani İslamabadı Taliban liderlərini qorumaqda ittiham edir, Pakistan rəsmiləri bunu danır.
