Tehrandakı Fransa səfirliyində işləyən iki fransız diplomat İran tərəfindən saxlanılıb.
Fransanın xarici işlər naziri Jan-Noel Barro X sosial media platformasında verdiyi açıqlamada bildirib ki, Tehrandakı Fransa səfirliyinin iki əməkdaşı dünən gecə İran təhlükəsizlik qüvvələri tərəfindən diplomatik toxunulmazlıqlarına baxmayaraq "səbəbsiz" yerə saxlanılıb.
Barrot, Fransa diplomatik heyətinin "son dərəcə ciddi şəkildə hədə-qorxuya" məruz qaldığını bildirərək, iki əməkdaşın saatlarla dindirildikdən sonra səfirliyə qayıtdığını qeyd edib.
Barrot iddia edir ki, Fransa diplomatlarına bu "şokedici hücum" onların İran sənətçiləri və elm adamlarını təşviq edən vətəndaş cəmiyyəti proqramlarını dəstəkləmələri səbəbindən baş verib.
Fransa xarici işlər naziri bildirib ki, bu məsələni iranlı həmkarı Abbas Əraqçi ilə müzakirə edib və səfirlik işçilərinə qarşı "qəbuledilməz" hücumun cəzasız qalmayacağını bildirib.
Tahir TAĞIYEV
