Prezident Zelenski Ukraynanın Rusiyanın Stavropol diyarındakı dörd yanacaq infrastrukturu obyektinə və Qara dənizdə Rusiyanın üç kölgə donanmasının tankerinə zərbələr endirdiyini açıqlayıb.
Zelenski X hesabında yazıb ki, Ukrayna Təhlükəsizlik Xidməti (SSU) bölmələri Stavropol diyarında üç neft anbarına, Ukrayna Silahlı Qüvvələrinin bölmələri isə bölgədəki daha bir yanacaq infrastrukturu obyektinə zərbə endirib.
Zelenski həmçinin Ukrayna qüvvələrinin Qara dənizdə Rusiyanın kölgə donanmasına məxsus üç tankerə dəqiq zərbələr endirdiyini bildirib.
Prezident qeyd edib ki, hədəfə alınan obyektlər və gəmilər Rusiyanın Ukraynaya qarşı müharibəsini dəstəkləmək və maliyyələşdirmək üçün istifadə edilir.
Tahir TAĞIYEV
