CNN-in məlumatlı mənbələrə istinadən verdiyi xəbərə görə, Tramp administrasiyası Səudiyyə Ərəbistanının nüvə silahı inkişaf etdirməsini qadağan edən təminatlar olmadan uranı zənginləşdirməsinə ilkin razılıq verib.
Bu, Vaşinqton və Ər-Riyad arasında Səudiyyə Ərəbistanının mülki nüvə enerjisi sektorunun inkişafına Amerika dəstəyini təmin edən ikitərəfli müqavilə layihəsinə aiddir.
CNN-ə danışan ekspertlərin fikrincə, Səudiyyə Ərəbistanının Beynəlxalq Atom Enerjisi Agentliyinin (BAEA) Əlavə Protokoluna qoşulmasını tələb etməyən və BAEA müfəttişlərinə nüvə obyektlərini yoxlamaq üçün genişləndirilmiş səlahiyyətlər verən bu müqavilə potensial olaraq Ər-Riyadın nüvə silahı əldə etməsinə yol aça bilər.
Daha əvvəl Səudiyyə Ərəbistanının vəliəhd şahzadəsi Məhəmməd bin Salman bildirib ki, İran nüvə silahı inkişaf etdirərsə, Səudiyyə Ərəbistanı da onları əldə etməyə çalışacaq.
ABŞ və Səudiyyə Ərəbistanı nüvə əməkdaşlığı ilə bağlı danışıqları 2025-ci ilin payızına qədər başa çatdırıblar, lakin sənəd hələ də prezident Donald Tramp tərəfindən imzalanmasını gözləyir. Kanalın mənbələrinə görə, gecikmənin səbəblərindən biri ABŞ və İsrail arasında İrana qarşı müharibənin başlanması olub.
SAMİRƏ
