ABŞ prezidenti Tramp, ona qarşı sui-qəsd planı həyata keçirilərsə, orduya "İranı görünməmiş miqyasda bombalamağı" əmr etdiyini açıqlayıb.
Uzun müddətdir Tehran rejiminin ölüm siyahısında olduğunu iddia edən Prezident Tramp "New York Post" qəzetinə verdiyi müsahibədə, sui-qəsd cəhdi ediləcəyi təqdirdə İranın "görünməmiş miqyasda" bombalanması əmrini verdiyini bildirib.
Tramp, bunun bədəlinin Tehran rejimi üçün "çox ağır" olacağını bildirib.
İsrailin bu həftə ABŞ prezidentinə qarşı sui-qəsd planı ilə bağlı kəşfiyyat məlumatları aldığı barədə məlumatlara dair suala Tramp cavab olaraq, İranın bu mövzuda yeni bir planının olmadığını, lakin illərdir Tehranın ölüm siyahısında "ilk sırada" yer aldığını iddia edib.
Xəbərdə həmçinin bildirilir ki, Tehran İran generalı Qasım Süleymaninin öldürülməsindən sonra 2020-ci ildən bəri Trampı hədəf siyahısında saxlayır.
Bu həftə ABŞ-İran gərginliyi Hörmüz boğazında baş verən toqquşmalarla yenidən artıb. ABŞ hücumunda öldürülən İranın keçmiş lideri Əli Xameneinin dəfn mərasimində iştirak edənlər Tramp əleyhinə şüarlar səsləndiriblər və Xameneinin ölümünün qisasını tələb ediblər.
Tahir TAĞIYEV
