ABŞ-ın müharibənin sona çatması üçün aparılan danışıqlarda İsrailin İranın xarici işlər naziri Əraqçi və İran parlamentinin sədri Qalibafı sui-qəsd biləcəyi barədə xəbərdarlıq etdiyi iddia edilir.
"The New York Times" qəzeti ABŞ rəsmilərinə istinadən, Vaşinqton administrasiyasının 8 apreldə elan edilən atəşkəsdən sonra Əraqçi və Qalibafa sui-qəsd edə biləcəyi ilə bağlı narahatlıqlarını dolayı yolla Tehran hökumətinə çatdırıb. Bildirilib ki, ABŞ rəsmiləri regiondakı müttəfiqləri vasitəsilə İrana, "İsrail bu iki şəxsi hədəfə ala bilər" xəbərdarlıq mesajı göndəriblər.
Rəsmilər bildiriblər ki, 28 fevralda başlayan toqquşmalar zamanı İsrail İranın yüksək vəzifəli liderlərini aradan qaldırmağı hədəfləyib, Arakçi və Qalibaf da o dövrdə "qanuni hədəf" hesab olunurdular. Lakin aprelin əvvəlində atəşkəsdən sonra bu iki şəxsin Tehranın danışıqlar qrupunun başına gətirilməsi vəziyyət dəyişdi, mümkün sui-qəsd cəhdinin danışıqları sabotaj edə və münaqişəni yenidən alovlandıra biləcəyi ilə bağlı narahatlıqlar yaradıb.
Bildirilir ki, parlamentin sədri Qalibafa qarşı İsrail tərəfindən konkret sui-qəsd cəhdi aprelin 12-də baş verib. İddialara görə, Qalibaf İslamabadda ABŞ-ın vitse-prezidenti Venslə görüşdən sonra İrana qayıdarkən onun təyyarəsinin İsrail tərəfindən hədəfə alına biləcəyi ilə bağlı kəşfiyyat məlumatı əldə edilib. İki ABŞ rəsmisinin verdiyi məlumata görə, iki İsrail döyüş təyyarəsinin İraq üzərindən İran hava məkanına girdiyi aşkar edildikdən sonra İran təhlükəsizlik qüvvələri Qalibafın təyyarəsinə xəbərdarlıq edib. Təyyarə İranın şimal-şərqindəki Məşhəd şəhərinə məcburi eniş edib, Qalibaf və onu müşayiət edən nümayəndə heyəti isə quru yolu ilə Tehrana qayıtmalı olub.
Digər tərəfdən, münaqişələrin davam etdiyi mart ayında bir Pakistan rəsmisinin “Reuters” agentliyinə verdiyi açıqlamalara istinad edilərək İslamabad hökumətinin, Ərakçi və ya Qalibaf öldürülərsə, atəşkəs danışıqları aparacaq heç kimin qalmayacağı barədə Vaşinqtona xəbərdarlıq etdiyi xatırladılıb. Qeyd edilir ki, Pakistanın bu şəxslərdən heç birinin hədəfə alınmaması tələbindən sonra ABŞ məsələyə müdaxilə edərək, İsraildən sözügedən şəxslərin sui-qəsd siyahısından çıxarılmasını istəyib.
Tahir TAĞIYEV
