Omanın dövlət xəbər agentliyi ölkənin Beynəlxalq Dəniz Təşkilatı ilə razılığa əsasən Hörmüz boğazında müvəqqəti dəniz dəhlizi yaradacağını bildirib. Rəsmi mənbəyə görə, boğazdan keçmək niyyətində olan gəmilərdən indi hərəkətlərini Beynəlxalq Dəniz Təşkilatı ilə əlaqələndirmələri tələb olunur.
Razılaşmaya əsasən, İran mülki gəmilərin boğazdan 60 gün ərzində sərbəst keçidini təmin etmək öhdəliyindədir. Lakin Tehran artıq bu keçid dövründən sonra gəmilərin keçidinə tranzit rüsumları və ya digər ödənişlər tətbiq edə biləcəyini bildirib. Çərşənbə axşamı günü İran və Oman boğazın hər iki tərəfinə nəzarət edən ölkələr olaraq su yolu üzərindəki "suveren hüquqlarını" təsdiqləyən və dəniz nəqliyyatını və əlaqəli kommersiya haqlarını birgə idarə etmək planlarını açıqlayan birgə bəyanat yayıb.
Bu isə Vaşinqtonun qəzəbinə səbəb olub. Fars körfəzi bölgəsindəki müttəfiq ölkələrə səfər edən ABŞ dövlət katibi Marko Rubio sərt şəkildə bildirib ki, İrana heç bir yekun razılaşmada Hörmüz boğazından keçid üçün rüsum almağa icazə verilməyəcək.
Daha əvvəl Tramp da "ABŞ-a fayda vermədiyi təqdirdə" Hörmüz boğazında heç bir rüsumun tətbiq olunmayacağını bildirmişdi.
SAMİRƏ
