ABŞ prezidenti Donald Trampın İtaliyanın baş naziri Meloni ilə bağlı açıqlamaları beynəlxalq siyasətdə yeni bir böhrana səbəb olub. Liderlər arasında G7 sammitində şəkil çəkdirməklə bağlı başlayan mübahisə qarşılıqlı təhdidlərlə davam edir.
Tramp İtaliya televiziyasına verdiyi müsahibədə Meloninin G7 sammitində onunla şəkil çəkdirmək üçün yalvardığını iddia edib. ABŞ prezidentinun bu sözlər Romada etirazla qarşılanıb. İddiaları qəti şəkildə rədd edən Meloni, Trampın hekayəsini tamamilə uydurma adlandırıb və Amerika prezidentini ənənəvi Qərb müttəfiqlərinə hörmətsizlik etməkdə günahlandırıb.
“Bəzi şeylərə dərhal cavab verilməlidir. Donald Trampın açıqlamaları tamamilə uydurmadır. Açığı, şoka düşdüm. ABŞ Prezidentinin müttəfiqlərinə qarşı niyə bu cür davrandığını başa düşmürəm. Üstəlik, bu, ilk dəfə deyil baş verir. Yalnız onu deyə bilərəm ki, Qərbin və ABŞ-ın düşmənlərinə qarşı eyni qətiyyəti göstərməməsi məyusedicidir... Nə mən, nə də İtaliya heç vaxt yalvarmarıq" – deyə Meloni bildirib.
Meloninin bu açıqlamasından sonra Tramp yenidən İtaliyanın Baş nazirini hədəfə alıb. Tramp sosial media hesabında Meloninin İtaliyada populyarlıq səviyyəsinin aşağı olduğunu iddia edib "Bu, yəqin ki, onun İranın nüvə silahı əldə etməsinin və ya inkişaf etdirməsinin qarşısını almaq məsələsində, İtaliyanı həqiqətən sevən və qoruyan bir ölkə olan ABŞ-ı rədd etməsi ilə bağlıdır” (NATO da eyni şeyi etdi)".
Tramp xatırlatdı ki, ABŞ hər il İtaliyaya milyardlarla dollar sərmayə qoymasına baxmayaraq, Meloninin ABŞ-ın İrana hücumları zamanı İtaliyanın uçuş zolaqlarından və hava limanlarından istifadə etməsinə icazə vermədiyini deyib.
"İndi ABŞ İranı hərbi cəhətdən məğlub etdiyinə görə, o (Meloni) xallarını artırmaq üçün yenidən dost olmaq istəyir. Xeyr, təşəkkür edirəm!" – deyə Prezident Tramp bildirib.
Meloni Trampın bu son açıqlamasına da sosial media hesabında dərhal cavab verib. "Donald Trampın mənim haqqımda yazdığı son paylaşıma cavabım. Mövzuya qayıtmayacağam, çünki hələ də Qərb birliyinə inanıram və bunun vəzifəmizə yaraşmayan bir nümayiş olduğunu düşünmürəm.
Prezident Tramp, bu davamlı və əsassız hücumların mənası yoxdur. Populyarlığıma gəldikdə isə, sizinlə dost olmağım, şübhəsiz ki, mənə fayda vermədi. Populyarlığım da sizinlə münasibətimdən qaynaqlanmır. Mənim populyarlığım İtaliyanın milli maraqlarını müdafiə etmək qabiliyyətimdən asılıdır və mən də həmişə məhz bunu etmişəm"- deyə o bildirib.
Meloni ABŞ-ın İrana qarşı müharibəsi zamanı Romanın İtaliyadakı bazalardan istifadəyə icazə verməkdən imtina etməsinə də toxunub: "Bu bazaların istifadəsi həmişə hörmət etdiyimiz müqavilələrlə tənzimlənir və mən Baş nazir olduğum müddətcə bu razılaşmalar pozulmayacaq. İtaliya suveren bir dövlətdir. Hər halda, mənim populyarlığım sizi maraqlandırmaz. Sizə öz populyarlığınıza diqqət yetirməyi məsləhət görürəm".
Tahir TAĞIYEV
