Rusiya xarici işlər naziri Sergey Lavrov yazdığı "Ukrayna, Avropa və Qlobal Təhlükəsizlik" məqaləsində bildirib ki, Avropa ölkələri Ukrayna böhranından NATO və AB-nin təsirini gücləndirmək, Rusiya ilə danışıqlardan isə genişlənməni ört-basdır etmək üçün istifadə ediblər.
Lavrov qeyd edir ki, Britaniya, Fransa və Almaniya 7 iyunda Londonda keçirilən görüşdə Ukraynada "ədalətli və davamlı sülh" üçün şərt kimi Rusiyanın beş tələbini irəli sürüblər. Bu tələblər toplusuna əsaslanaraq, vahid Avropa Moskva ilə dialoq təklif edir.
Xarici İşlər Nazirliyinin saytında dərc olunmuş məqalədə deyilir: "Rusiya ilə danışıqlar aldadıcı taktikadır, Qərbin və onun qurumlarının, ilk növbədə NATO və Avropa Birliyinin şərqə - Rusiya sərhədləri istiqamətində geosiyasi genişlənməsi üçün diplomatik örtükdür".
Avropanın Ukrayna böhranını qızışdırmaqdakı “töhfəsi”nin inkaredilməz olduğunu yazan Rusiya XİN başçısı bu sırada 2004-cü ildə Kiyevdə baş verən "Narıncı İnqilab"ı, Qərbin Ukrayna millətçiliyinə dəstəyini, siyasətçiləri və partiyaları satın almasını, Ukraynada anti-Rusiya dayaq nöqtəsi yaratmaq və ölkəni Rusiyadan uzaqlaşdırmaq üçün tarixin və təhsil proqramlarının yenidən yazılmasını sadalayır.
SAMİRƏ
