Belçika müdafiə naziri Teo Franken Ukraynanın bu il yeddi dördüncü nəsil F-16 qırıcı təyyarəsi alacağını açıqlayıb.
UNIAN-ın xəbərinə görə, Belçika müdafiə naziri bu açıqlamanı Brüsseldə NATO müdafiə nazirlərinin görüşündən əvvəl verib.
"Hətta onlara yeddi F-16 verərək yardımımızı artırırıq. Bu o deməkdir ki, bu il yeddi F-16, dördü ehtiyat hissələri üçün, üçü isə Ukraynanı Rusiya təcavüzündən qorumaq üçün Ukrayna səmasında əməliyyatlar üçün olacaq", - deyə Franken vurğulayıb.
O, həmçinin qeyd edib ki, F-16 qırıcıları Şahed tipli hücum dronlarına, kruiz raketlərinə və digər təhdidlərə qarşı mübarizədə özlərini effektiv şəkildə sübut ediblər.
"Və mən hökumətə təklif edəcəyəm ki, yaxın illərdə bütün F-16-larımızı Ukraynaya göndərək. Bu, F-35-lərin gəlişindən asılı olacaq", - deyə Franken əlavə edib.
RAMİL
