ABŞ administrasiyası İranla imzalanmış memorandumun rəsmi mətnini yayımlamağa hazırlaşır. Lakin CNN diqqəti ona yönəldir ki, ABŞ rəsmiləri insanları sənəddə istifadə olunan ifadələrə çox da əhəmiyyət verməməyə çağırır.
Nəşrin xəbərinə görə, rəsmilər deyir ki, mətn sazişin bağlanmasından sonra baş verəcək texniki danışıqlar üçün müsbət atmosfer yaratmaq məqsədilə qəsdən qeyri-müəyyəndir. Kanalın mənbələri bildirir ki, "Məqsədlərdən biri İrana müqaviləni daxili auditoriyasına "satmaq" imkanı verməkdir".
Sənədin pərdəarxası razılaşmaları və ya İranın əsas güzəştlərini əks etdirmədiyini bildirən mənbələrin sözlərinə görə, "bu, sözün əsl mənasında qəbul edilməməli siyasi sənəddir".
Mənbələrdən biri bildirib ki, "Əldə etdiyimiz qarşılıqlı anlaşma mətnin özündən daha vacibdir. Sanksiyaların qaldırılması, nüvə məsələsinin həlli və vəsaitlərin dondurulmasının ləğvi kimi məsələləri həll etməyə imkan verəcək bir atmosfer yaratmışıq. Lakin bütün bunlar danışıqlardakı irəliləyişdən asılı olacaq".
SAMİRƏ
