İsrail İranın müxtəlif bölgələrinə hava hücumları həyata keçirib. İsrail ordusunun açıqlamasına görə, İranın qərbində və mərkəzində hərbi hədəflərə zərbələr endirilib.
İran dövlət televiziyası isə paytaxt Tehran, İsfahan və Təbrizdə partlayış səsləri eşitdiyini bildirib.
İran İnqilab Keşikçiləri Korpusu da İsrailin İrandakı bir neçə hədəfə ballistik raketlərdən istifadə edərək hücum etdiyini açıqlayıb.
İranın cənub-qərbindəki Xuzistan əyalətinin qubernatorunun müavini Vəliollah Hayati İsrailin əyalətin Mahşəhr şəhərində neft-kimya zavoduna zərbə endirdiyini bildirib: "Mahşəhrdəki Karun Neft-Kimya Şirkəti İsrail tərəfindən hava hücumuna məruz qalıb. Zavoda dəyən mərmilər nəticəsində sənaye müəssisəsinin bəzi hissələri zədələnib".
İran rəsmisi ilkin məlumatlara görə, heç bir itki və ya xəsarət almadığını bildirib və əlavə edib ki, zərərin miqyası və mümkün itkilər barədə ətraflı məlumat daha sonra açıqlanacaq.
İsrail ordusunun açıqlamasında da Mahşəhr neft-kimya zavodundakı "bir neçə hədəfə" zərbə endirildiyi qeyd olunub.
Səudiyyə Ərəbistanında potensial təhlükəyə qarşı Əl-Xərc əyalətində erkən xəbərdarlıq sistemi işə salınıb. Səudiyyənin Mülki Müdafiə İdarəsi vətəndaşları və ərazidə olanları rəsmi orqanların təlimatlarına əməl etməyə çağırılıb. Xəbərdarlığın mahiyyəti və ya təhlükənin mənbəyi ilə bağlı heç bir açıqlama verilməyib.
İrandakı hərbi mənbələrisə İranın Səudiyyə Ərəbistanının əl-Xərc şəhərindəki bazaya hücum etmədiyini bildirib. İran dövlət televiziyasına danışan adı açıqlanmayan hərbi mənbə İranın Ər-Riyad bölgəsindəki sözügedən bazaya heç bir raket atmadığı və ya hücum etmədiyini bildirib.
Bundan əvvəl İran İsrailəhava zərbələri endirib.
Tahir TAĞIYEV
