Şimali Koreya lideri Kim Çen Inla bağlı bir çox sirlər arasında anası ilə bağlı hər şeyin məxfiliyi xüsusilə nəzərə çarpır. Hakimiyyətdə olduğu 15 il ərzində Kim heç vaxt onun adını açıq şəkildə çəkməyib. İrsi diktaturanın legitimliyi Koreya yarımadasındakı ən yüksək dağın adını daşıyan və Koreya xalqının mifik doğulduğu yer hesab edilən "Pektu dağı"nın nəslinə əsaslanır. Qurucu ata Kim İr Sen məhz burada yapon müstəmləkəçilərinə qarşı partizan müharibəsi aparıb. Sülalənin əvvəlki iki anasından - ölkənin qurucu atası Kim İr Senqin anası Kanq Pansuk və Kim Çen İrin anası Kim Çen Sukdan - "Koreyanın Anaları" kimi hörmətlə danışılmasından fərqli olaraq, hazırkı dövlət başçısının anası Ko Yonq-hui az tanınan bir şəxsiyyət olaraq qalır və heç bir əlamətdar yerə onun adı verilməyib. Ko Yonq-huiyə bu münasibət sosial təbəqə tərəfindən ləkələnmiş hesab edilən keçmişi və məşuqə statusu ilə əlaqəli ola bilər - analitiklərin fikrincə, hər ikisi rejim üçün təhlükədir.
Bioqrafların müəyyən edə bildiyinə görə, Ko 1952-ci ildə Yaponiyanın Osaka şəhərində, əslən indiki Cənubi Koreyanın ərazisində yerləşən Jeju adasından olan ailədə anadan olub. Bu ada Pxenyan tərəfindən düşmən ərazisi hesab olunurdu. Yaponiyada Ko-nun ailəsi "Zainiçi Koreyalılar" - 1910-cu ildən 1945-ci ilə qədər yarımadada Yaponiyanın müstəmləkə hakimiyyəti dövründə gələn immiqrantlar idi. Şimala qayıdanlara əvvəlcə paxıllıqla yanaşılırdı, çünki onlar kapitalist qonşularından nağd pul, geyim və məişət texnikası gətirirdilər.
Görünür, dövlət başçısının anası olmaq da ada əhalisinə keçmişi unutmaq üçün yetərli olmayıb.
SAMİRƏ
