ABŞ prezidenti Donald Tramp İranla sülh razılaşmasına nail olmağın "hərbi qələbədən daha yaxşı ola biləcəyini" bildirib.
Tramp İranla danışıqların çətin keçdiyini, lakin Vaşinqtonun "lazım olanı əldə etdiyini" iddia edib və əlavə edib ki, atəşkəs barədə razılaşma növbəti yeddi gün ərzində yekunlaşa bilər.
Bu arada, “Axios”un ABŞ rəsmilərinə istinadən verdiyi məlumata görə, Tramp Livanda atəşkəsin pozulmasından sonra İsrailin Baş naziri Binyamin Netanyahu ilə telefon danışığında kobud ifadələr işlədib. Xəbərdə deyilir ki, Tramp Netanyahunu "dəli" olmaqda günahlandırıb və Beyruta yeni hücumun İsrailin beynəlxalq təcridini daha da artıracağı barədə xəbərdarlıq edib.
“Axios”un məlumatına görə, Tramp həmçinin “Sən dəli olmusan. Mən olmasaydım, həbsxanada olardın” deyərək Netanyahuya keçmişdəki dəstəyini xatırladıb və İsrailin son hərəkətlərinin dünya miqyasında tənqidlərə səbəb olduğunu bildirib.
Tahir TAĞIYEV
