Ermənistan ordusunun dörd sabiq korpus komandiri barəsində 1 mart olayları ilə bağlı cinayət işi başlanıb. Ermənistan Baş Prokurorluğunun məlumatına görə, korpus komandirləri Poqos Poqosyan, Valeri Qriqoryan, Aykaz Baqmanyan və Levon Yeranosyan vəzifə səlahiyyətlərini aşmaqda və bununla ağır nəticələrə səbəb olmaqda ittiham olunurlar.
İstintaqın versiyasına əsasən, onlar qanunsuz əmrləri yerinə yetirərək keçmiş müdafiə naziri Mikael Arutyunyan və “1 mart işi” üzrə ittiham olunan digər yüksəkvəzifəli şəxslərə, o cümlədən Ermənistanın sabiq prezidenti Robert Koçaryan, sabiq müdafiə naziri Seyran Ohanyan və Yuri Xaçaturova səlahiyyət həddini aşmaqda yardım ediblər.
İstintaqa görə, təqsirləndirilən şəxslər bilərəkdən qanunsuz əmrlər yerinə yetirib və bununla da keçmiş müdafiə naziri Mikael Harutyunyana və digər yüksək vəzifəli şəxslərə vəzifə səlahiyyətlərindən sui-istifadə kimi təsnif edilən hərəkətlər törətməyə kömək ediblər. Bu şəxslər arasında 1 mart 2008-ci il hadisələri ilə bağlı işdə adları keçən Ermənistanın ikinci prezidenti Robert Köçəryan, keçmiş müdafiə naziri Seyran Ohanyan, və Kollektiv Təhlükəsizlik Müqaviləsi Təşkilatının keçmiş baş katibi Yuri Xaçaturyanın adı çəkilir.
Baş Prokurorluq iddia edir ki, keçmiş korpus komandirlərinin fəaliyyəti 2008-ci ilin 1 mart hadisələri zamanı baş verən qanunsuz hərəkətlərlə əlaqəlidir.
Qeyd edək ki, “1 mart işi” Ermənistanda 2008-ci il prezident seçkilərindən sonra baş vermiş kütləvi etiraz aksiyalarının dağıdılması və nəticədə insanların ölməsi ilə bağlı açılıb.
Tahir TAĞIYEV
