İran, Vaşinqtonun ABŞ-la davam edən danışıqlarda xüsusilə həssas olduğu "zənginləşdirilmiş uran" məsələsini razılaşmanın qarşısında maneələrdən biri kimi görür.
Məsələiləbağlı açıqlama verən İran Xarici İşlər Nazirliyinin sözçüsü İsmayıl Bekayi İranın yüksək dərəcədə zənginləşdirilmiş uranın ABŞ-a təhvil verməsi ilə bağlı hər hansı bir tələbin "qəbuledilməz" olduğunu bildirib. O, əlavə edib ki, "zənginləşdirilmiş uranla bağlı detallara girməyə çalışsaq, bir nəticəyə gələ bilməyəcəyik".
Bekayi həmçinin bildirib ki, vasitəçilik üçün ABŞ-la əlaqəli olaraq Tehrana gələn Qətər nümayəndə heyəti Tehranda İranın xarici işlər naziri Abbas Əraqçi ilə görüşüb. İran sözçüsü qeyd edib ki, İslamabad danışıqlarda əsas vasitəçi olaraq qalmaqdadır.
Qeyd edək ki, Pakistanın Ordu Qərargah rəisi marşal Asim Munir və Pakistanın daxili işlər naziri Möhsin Nəqvin ABŞ-la davam edən danışıqlara dəstək vermək üçün Tehranda səfərdədir.
Tahir TAĞIYEV
