Qlobal müharibə və böhran mühiti fonunda ABŞ prezidenti Donald Trampın sərvətinin nəzərəçarpacaq dərəcədə artması diqqət çəkir. Son məlumatlar göstərir ki, Trampın sərvəti qısa müddət ərzində təxminən ikiqat artıb.
Təhlillər, iqtisadi dalğalanmalar və müharibə atmosferi bir çox sektor üçün qeyri-müəyyənlik yaratsa da, Trampın investisiyalarının bu dövrdən qazanc əldə etdiyini ortaya qoyur. Media qurumları, maliyyə aktivləri və alternativ investisiya vasitələrinin bu yüksəlişdə əhəmiyyətli rol oynadığı xüsusilə qeyd olunur.
Ekspertlərin fikrincə, böhran dövründə bəzi investisiya sahələrinin dəyərinin artması normaldır. Lakin Trampın sərvətinin sürətlə artması "müharibə iqtisadiyyatının qalibləri kimlərdir?" sualını yenidən ön plana çıxarır. Bu hadisə təkcə iqtisadi deyil, həm də siyasi və etik müzakirələrə səbəb olub.
Trampın investisiya portfeli yalnız texnologiya nəhəngləri ilə məhdudlaşmır. Onun Kura Sushi USA kimi daha niş sahələrdə fəaliyyət göstərən şirkətlərə də investisiya yatırdığı görünür. Yaponiyaya məxsus restoran şəbəkəsinin ABŞ qoluna qoyulan investisiyanın 1 milyon dollarla 5 milyon dollar arasında olduğu bildirilir. Sözügedən şirkət ABŞ-da böyüyən restoran şəbəkəsi kimi seçilir və Trampın bu addımı bazarlarda təəccüb doğurub.
Trampın ilin ilk aylarında texnologiya nəhənglərində və müxtəlif sektorlarda genişmiqyaslı alış-veriş və satışlar həyata keçirdiyi də bildirilir. Bütün bu hadisələr göstərir ki, Trampın sərvətinin sürətlə artması təkcə siyasi proseslərlə deyil, həm də aqressiv investisiya strategiyası ilə bağlıdır.
Tahir TAĞIYEV
