İran dövlət televiziyasının canlı yayımladığı və studiyada quraşdırılmış atıcılıq platformasında təlim keçən aparıcı ilə hərbçilər arasında dialoqu göstərən görüntülər dünya ictimai rəyində müzakirə mövzusuna çevrilib.
Yaxın Şərq hərbi balansları və diplomatiyası üzrə mütəxəssislər tərəfindən də diqqətlə araşdırılan yayımda "Bəli, nişan alma xətti... İndi BƏƏ bayrağına nişan alaq. Əla. Nəfəsinizi tutun. Allahın adı ilə... Atəş" ifadələri səslənir.
Bu sözlərdən sonra atəş açılan və BƏƏ bayrağına birbaşa atəş açılan anlar senzurasız yayımlanıb.
Verilişdə həmçinin aparıcıya maqazin doldurma, nişan alma, nəfəs nəzarəti və atəş mövqeyi kimi əsas hərbi və odlu silah texnikaları üzrə təlimat verildiyi də göstərilib.
Qeyd edək ki, Tehran administrasiyası BƏƏ-ni "ərazisindən İrana qarşı hücumlarda istifadəsinə icazə verməkdə və ABŞ və İsrailin hücumları ilə başlayan müharibədə aktiv rol oynamaqda" günahlandırır.
İddialara görə, Birləşmiş Ərəb Əmirliklərinin İrana qarşı regional hərbi blok yaratmaq cəhdləri ən yaxın müttəfiqlərinin mənfi yanaşması ilə alınmayıb. “Bloomberg”in məlumatına görə, BƏƏ prezidenti Şeyx Məhəmməd bin Zayed (MBZ) Səudiyyə Ərəbistanını və digər Körfəz ölkələrini hərbi müdaxiləni əlaqələndirməyə inandırmağa yönəlmiş diplomatik səyləri nəticəsiz bitib. Bu strateji fikir ayrılığı regionun ən güclü iki aktyoru arasındakı uçurumu görünməmiş dərəcədə dərinləşdirib.
Tahir TAĞIYEV
