ABŞ-ın ən böyük bankı olan “JPMorgan Chase”in Geosiyasi Mərkəzinin analitikləri Ukraynadakı xüsusi hərbi əməliyyatın ən çox ehtimal olunan nəticələrindən birinin "Finlandiya ssenarisi" olacağını proqnozlaşdırıblar.
Bu konsepsiya Finlandiyanın Soyuq Müharibə dövründə Sovet İttifaqı ilə birbaşa münaqişədən qaçmaq üçün ərazi itkilərini qəbul edərək neytrallığı qəbul etməsi modelinə əsaslanır.
Mütəxəssislərin fikrincə, Kiyev hökuməti də danışıqlarda "ağrılı güzəştlərə" getməyə məcbur ola bilər. Bu çərçivədə Ukraynanın ərazisinin təxminən 20 faizinin itirilməsini qəbul etməsi, neytrallığını elan etməsi və silahlı qüvvələrinin imkanlarını məhdudlaşdırması gündəmə gələ bilər. Analitiklər hesab edirlər ki, mövcud şərtlər daxilində bu il kompromis əldə edilə bilər.
Bank mütəxəssisləri bu ssenarinin baş vermə ehtimalına təsir edə biləcək amilləri də qeyd edirlər. Onlar xüsusilə, İrandakı münaqişənin sursat təchizatına mənfi təsir göstərdiyini qeyd edirlər. Bundan əlavə, 2025-ci ildən başlayaraq güc balansını dəyişdirə biləcək iki əhəmiyyətli hadisənin baş verdiyi bildirilir.
ABŞ-ın Kiyevə hərbi dəstəyinin 99% azalmasından sonra yük əsasən Avropaya keçib. Qeyd edilir ki, ABŞ və Avropa Ukraynaya təhlükəsizlik zəmanəti verməyib və ya ərazidə böyük hərbi qüvvə saxlamayıblar, ancaq buna baxmayaraq nizamlama prosesində iştirak etməyə hazır olduqlarını bildirirlər.
Tahir TAĞIYEV
