Fransa Prezidenti Makronun 2025-ci ildə Vyetnama səfəri zamanı həyat yoldaşı Bricit Makron tərəfindən şillələnməsinin pərdəarxası məqamları üzə çıxıb.
Fransa lideri Makron və həyat yoldaşı arasında prezident təyyarəsindən düşərkən baş verən mübahisə və ardınca Bricitin onun üzünə aldığı şillə uzun müddət dünya xəbərlərinin əsas mövzusu olub. Hadisənin səbəbi bu günə qədər aydın olmasa da, Fransa mətbuatı məsələni yenidən gündəmə gətirib.
Kameralar tərəfindən də çəkilən görüntülərlə bağlı əvvəllər açıqlamalar verən Makron, həyat yoldaşı ilə sadəcə zarafat etdiklərini demişdi: “Əslində, sadəcə əylənirdik. Amma təəccüblüdür ki, bu, planetar fəlakətə bənzər bir şeyə çevrildi".
Makronun açıqlamalarına baxmayaraq, şillənin vurulmasının səbəbi ilə bağlı Fransa mətbuatı yeni detallar açıqlayıb. Hadisənin adi bir zarafat olmadığını iddia edən jurnalist Florian Tardif mübahisənən kökündə bir mesajlaşmanın dayandığını bildirib.
Jurnalist, şillələmə hadisəsi Fransa prezidentinin İran əsilli aktrisa Qolşifte Farahaniyə (əsl adı Rahavard Farahani) göndərdiyi mesajlarla əlaqəli ola biləcəyini iddia edib. Bu iddia Fransada geniş ajiotaj yaradıb.
Makron İranda anadan olmuş aktrisa Farahani ilə bir neçə ay ərzində platonik münasibətlər saxlayıb. Makronun Farahaniyə göndərdiyi mesajlara diqqət çəkən Tardif, Fransa liderinin aktrisaya "Siz çox gözəlsiniz" məzmunda mesajlar göndərdiyini bildirib.
Yelisey Sarayının baş verənləri ört-basdır etməyə çalışdığını və vəziyyəti cütlüyün mübahisəsi kimi qələmə verdiyini bildirən Tardif, Bricit mesajlardan xəbərdar olduqdan sonra gərginliyin daha da artdığını iddia edib. İddialara görə, təyyarədəki anlaşılmazlıq səbəbindən bitdiyi düşünülən mübahisə, Hanoi hava limanında təyyarənin qapıları açılmazdan öncə daha da böyüyüb və nəticədə süzügedən şillələnmə hadisəsi baş verib.
Şillələnmə hadisəsi beynəlxalq siyasətdə də müzakirə mövzusu olaraq qalır. Bu ilin aprel ayında ABŞ prezidenti Donald Tramp məsələni siyasi polemikaya çevirərək, Makronun aldığı yumruqdan hələ də özünə gəlmədiyini və həyat yoldaşı tərəfindən pis rəftara məruz qaldığını bildirib.
Trampın sözlərinə sərt reaksiya verən Makron isə onun sözlərini "zəriflikdən məhrum və dövlət adamına uyğun olmayan" açıqlama adlandırıb.
Tahir TAĞIYEV
