Rusiya Xarici İşlər Nazirliyi, Ukraynanın 9 Mayda Moskvaya hücum təhdidini əsas gətirərək, təhlükəsizlik riskləri səbəbindən xarici diplomatik missiya heyətinin Kiyevdən təxliyə edilməsinə çağırıb.
Nazirliyin sözçüsü Mariya Zaxarova bildirib ki, bütün akkreditə olunmuş diplomatik nümayəndəliklərə göndərilən notada, Rusiya Müdafiə Nazirliyinin 9 May tədbirlərinin qarşısı alınacağı təqdirdə Kiyevin mərkəzinə mümkün cavab zərbəsi endiriləcəyi barədə xəbərdarlığının ciddi qəbul edilməli olduğu və buna görə də diplomatik personaldan və mülki şəxslərdən şəhəri əvvəlcədən təxliyə etməyə çağırıldığı bildirilib.
Zaxarova Rusiyanın bu xəbərdarlığı hücum məqsədi ilə deyil, mümkün cavabın qaçılmazlığı kontekstində verdiyini iddia edib və Rusiya diplomatik nümayəndəliklərinin yerləşdikləri ölkələrə və beynəlxalq təşkilatlara da məlumat verdiyini bildirib.
Zaxarova bildirib ki, Zelenskinin Moskvada Qələbə Günü tədbirlərini terror hücumları ilə pozmaq təhdidlərini Avropa Birliyi ölkələri qulaqardına vura bilməzlər: "Əgər AB ölkələri Zelenskinin 9 Mayı Moskvada terror hücumları ilə pozmaq təhdidlərini "səssizcə ötüşdürə" biləcəklərini düşünürlərsə, çox yanılırlar".
"Biz kollektiv Qərb azlığının 9 Maya necə yanaşdığını çox yaxşı bilirik" deyən Zaxarova bu ölkələri "Sovet monumental irsini sistemli şəkildə məhv etməkdə, sovet əsgərlərinin qalıqlarını məzarlardan çıxarmaqda, tarixi yenidən yazmaqda və təhrif etməkdə" günahlandırıb.
Qeyd edək ki, Ukrayna Prezidenti Zelenskinin mayın 4-də İrəvanda keçirilən “Avropa Siyasi Birliyi”nin 8-ci Zirvə toplantısında Moskvada Qələbə Gününün qeyd edilməsini pozmaqla hədələyib.
Tahir TAĞIYEV
