İran mediası xəbərdarlıqlara məhəl qoymayan ABŞ hərbi gəmisinin Cask adası yaxınlığında iki raketlə vurulduğunu bildirib. Vurulandan sonra zədələnən Amerika hərbi gəmisinin ərazini tərk etdiyi bildirilir.
İran Silahlı Qüvvələri ABŞ Hərbi Dəniz Qüvvələrinə Hörmüz boğazına yaxınlaşmamaq və ya girməmək barədə xəbərdarlıq etmişdi.
Bundan əvvəl açıqlama verən ABŞ prezidenti Donald Tramp İranla müharibə səbəbindən Hörmüz boğazında ilişib qalan gəmiləri xilas etmək üçün yeni bir addım atacaqlarını açıqlayıb. Tramp bu gündən etibarən Hörmüz boğazında ilişib qalan neytral ölkələrə məxsus gəmiləri xilas etmək təşəbbüsü olan "Azadlıq Əməliyyatı"nın başlandığını elan edib. ABŞ Mərkəzi Komandanlığı (CENTCOM) isə ticarət gəmilərinin Hörmüz boğazından təhlükəsiz keçidini təmin etmək üçün nəzərdətutuıan "Azadlıq Əməliyyatı"da 15.000 hərbçinin iştirak edəcəyini açıqlayıb.
Trampın Hörmüz boğazı ilə bağlı qərarından sonra İran ordusu ABŞ Hərbi Dəniz Qüvvələri bölgəyə yaxınlaşacağı təqdirdə onları hədəfə alacağını bəyan edib.
"Xəbərdarlıq edirik ki, istənilən xarici silahlı qüvvə, xüsusən də işğalçı ABŞ ordusu Hörmüz boğazına yaxınlaşmağa və ya girməyə cəhd edərsə, hücuma məruz qalacaq" – deyə İran ordusunun açıqlamasında bildirilib.
İran Silahlı Qüvvələri həmçinin xəbərdarlıq edib ki, ABŞ Hərbi Dəniz Qüvvələrindən əlavə, bütün ticarət gəmiləri və neft tankerləri İran hərbçiləri ilə koordinasiya olmadan Hörmüz boğazında hər hansı bir hərəkətdən çəkinməlidirlər.
Tahir TAĞIYEV
