Martın 30-31-də Bişkekin Kaba aulu Kojomkul adına idman sarayında Qırğızstan Prezidenti Sooronbay Jeenbekovun dəstəyilə baş tutan ölkədə yaşayan xalqların diaspor təşkilatları arasında mini futbol turniri 2010-cu ildə Qırğızstanda baş verən Aprel inqilabı qəhrəmanlarının xatirəsinə həsr olunub.
17 komandanın iştirak etdiyi turnirdə Azərbaycan diasporunu “Azəri” komandası təmsil edib.
Kəskin mübarizədə Ukraynalıların komandası - "Bereginya" - 0:1 hesabı ilə "Azeri" komandasına məğlub olub.
Turnirin final oyununda “Azəri” komandası Qırğızstanın Dunqan Assosiasiyasının "Aleks" komandası ilə qarşılaşıb. “Azəri” komandası mübarizə boyunca təşəbbüsə sahib idi. Onlar müdafiədə ehtiyatlı davranıb, rəqibinə gözlənilməz hücumlarla və yüksək sürətlə hərəkət ediblər. Hər iki komandanın həvəskar oyunçularının yüksək səviyyədə futbol göstərməyi tamaşaçılar üçün gözlənilməz olub.
Turnirin əsas matçında yalnız bir qol vurulub. Bu, “Azeri” komandasının oyunçularının qələbəsi idi və komandamız 1-ci yeri tutdu. Final oyunu zamanı yerli azarkeşlərin əksəriyyəti bizim komandaya rəğbət bəslədiklərini nümayiş etdirib.
Qırğızstan Xalqı Assambleyasına daxil olan yeganə azərbaycanlı legitim diaspor təşkilatı “Azəri” İctimai Birliyinin sədri Əzizağa Əliyev komandamız haqqında mətbuat işçilərinə bunları deyib:«Bizim komanda bir neçə il bundan əvvəl yaradılıb. Biz idmana, xüsusilə də mini-futbola mümkün qədər çox həmyerlilər cəlb etməyə çalışırıq. Uşaqlar bu turnir üçün hərtərəfli hazırlaşdılar. Onlar ağır təlim keçirdilər».
Komandamızın üzvlərinə kuboku, medalları, diplomları və pul mükafatını Qırğızstanın Prezident Aparatı rəhbərinin birinci müavini Almaz Kenenbayev təqdim edib.
Qeyd edək ki, “Ən yaxşı oyunçu” nominasiyasına da “Azəri” komandasının təmsilçisi layiq görülüb.
Ölkənin KİV-ləri bu tədbiri geniş işıqlandırıb.
