QHT və özəl sektor arasında yeni tərəfdaşlıq təşəbbüsü başlayır

Tarix: 12.06.2026 / 12:58
Bölmə: Sosial

"Sosial məsuliyyət üçün birgə təşəbbüslər" layihəsi start götürür Son illərdə Azərbaycanda korporativ sosial məsuliyyət (KSM) sahəsində fəallıq artsa da, QHT-lərlə özəl sektor arasında sistemli və institusionallaşmış əməkdaşlıq mexanizmlərinin zəif qaldığı müşahidə edilir. Məhz bu istiqamətdə irəliləyişə nail olmaq məqsədilə "Prioritet" Sosial İqtisadi Araşdırmalar Mərkəzi İB "QHT–Biznes tərəfdaşlığının gücləndirilməsi: sosial məsuliyyət üçün birgə təşəbbüslər" adlı layihənin icrasına başlayıb. Layihə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə həyata keçirilir. Layihənin əsas ideyası KSM çərçivəsində QHT və özəl sektor arasında birgə sosial təşəbbüslərin sayını artırmaq, qarşılıqlı etimadı gücləndirmək və bu sahədə institusional əsaslar yaratmaqdır. Layihənin hazırlıq mərhələsində aparılmış ilkin araşdırmalar göstərir ki, Azərbaycanda QHT–biznes əməkdaşlığında üç əsas çətinlik var: Şirkətlər QHT-lərin potensialını tam tanımır, QHT-lər isə biznesin dilini, KPI-larını və investisiya arqumentlərini kifayət qədər mənimsəmir. Etimad çatışmazlığı müşahidə olunur, tərəflər arasında birgə layihələrin işlənilməsi və icrası təcrübəsi məhduddur. Ölçülə bilən təsir mexanizmləri zəifdir, əməkdaşlığın nəticələri çox vaxt qiymətləndirilmir və sənədləşdirilmir. Mövcud vəziyyəti təsdiqləyən rəqəmlər də diqqət çəkir, 2024-2025-ci illər üzrə 100 yaxın iri şirkətlərin KSM fəaliyyətlərinin təhlili göstərir ki, bu şirkətlər ümumilikdə çox az sayda QHT ilə əməkdaşlıq edib. Bir çox şirkət isə KSM-i yalnız daxili korporativ tədbirlərlə məhdudlaşdırır. Beynəlxalq kontekst də bu problemin aktuallığını artırır. Avropa İttifaqının yeni Korporativ Davamlılıq Hesabatı Direktivi (CSRD) şirkətlərdən tədarük zənciri boyu sosial və ekoloji təsirləri açıqlamağı tələb edir. Bu isə Azərbaycanda fəaliyyət göstərən şirkətlər üçün QHT-lərlə faktlara əsaslanan əməkdaşlığı strateji zərurətə çevirir. Layihə problemi həll etmək üçün dörd istiqamətdə fəaliyyət göstərəcək. Ən azı 100 QHT və 50 şirkət nümayəndəsi arasında onlayn sorğu keçiriləcək, ardınca QHT-lər və biznes nümayəndələri üçün ayrı-ayrılıqda 2 fokus qrup müzakirəsi təşkil olunacaq. Sorğu və fokus qrup nəticələri əsasında "QHT-Biznes əməkdaşlığı potensialı və tövsiyələr" adlı Analitik hesabat hazırlanacaq. Bu hesabatda həm yerli problemlər, həm də Türkiyə və Avropa İttifaqının qabaqcıl təcrübələri təhlil ediləcək. QHT nümayəndələri üçün "KSM Strategiyasına uyğun layihə təkliflərinin hazırlanması" mövzusunda təlim keçiriləcək. Şirkət nümayəndələri üçün isə "QHT-lərlə şəffaf və səmərəli tərəfdaşlıqların qurulması" mövzusunda 2 onlayn seminar keçiriləcək. Bundan əlavə, QHT-lərlə biznes assosiasiyaları arasında ən azı 3 əməkdaşlıq memorandumu imzalanması nəzərdə tutulur. Bu memorandumlar gələcək birgə layihələr üçün rəsmi və davamlı əsas təşkil edəcək. Həmçinin, analitik hesabat əsasında hazırlanmış 3 məqalə iki ictimai-siyasi kontentə malik saytda yayımlanacaq. Layihənin icra müddəti 5 ay olaraq planlaşdırılıb. Layihənin əsas tərəfdaşları sırasında Azərbaycan Milli QHT Forumu və biznes assosiasiyaları yer alır.

DİGƏR XƏBƏRLƏR

Tarix: 28.07.2026 / 10:27

Abşeronda uşaq yanan doqquzmərtəbədən özünü atdı...

Tarix: 27.07.2026 / 23:20

Tərəkəmə/Köçəri mədəniyyətin Başkənd yurd ocaqları və tarixi-coğrafi səciyyəsi...

Tarix: 27.07.2026 / 18:30

Ermənistan vətəndaşlarının şikayətləri üzrə apellyasiya məhkəməsində prokurorlar çıxış edib

Tarix: 27.07.2026 / 16:48

Maşını cərimə meydançasına aparılan sürücülərə ödənilən pul bu hallarda geri qaytarılacaq...

Tarix: 27.07.2026 / 11:57

Vilayət Eyvazov xidmətə qəbulla bağlı sıra baxışı keçirdi - FOTO/VİDEO

Tarix: 27.07.2026 / 11:25

Ağdamın Kəngərli və Papravənd kəndlərində baş verən yanğınlar söndürüldü

Tarix: 27.07.2026 / 09:55

DİM magistraturaya ixtisas seçiminin vaxtını uzatdı

Tarix: 26.07.2026 / 15:12

ÖZÜNƏMƏXSUSLUQ

Tarix: 26.07.2026 / 09:11

Xəzər dənizində zəlzələ olub

Tarix: 25.07.2026 / 17:05

Gürcüstanda enerji böhranı - Bakı-Tbilisi qatarı da yolda qaldı...

Tarix: 25.07.2026 / 16:34

DİN anası tərəfindən zəncirləndiyi deyilən uşaqla bağlı araşdırmalara başladı...

Tarix: 25.07.2026 / 15:16

Siz deməyin 50 min il əvvəl ermənilərin babaları Ermənistan yaylasında daş alətlər düzəldirmişlər...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 24.07.2026 / 15:02

Bankı ləğv edilən Mehdiyev nələrdən oldu?..

Tarix: 23.07.2026 / 21:55

Rusiya gizli görüşü danır - Belə də Putinin inanılmış adamı müharibədən 2 həftə sonra Bakıya niyə gəlmişdi?

Tarix: 23.07.2026 / 14:11

Azərbaycan Türkiyədən S-400 raketlərini almalıdırmı?..

Süni intellekt texnologiyaları təhsil proqramlarına necə inteqrasiya olunur...