(Altıncı yazı)
Hər söz, əlbəttə ki, özündə ciddi məna gizlədir.Leksik və etimoloji şərh edəndə, bu məna özünü labüd göstərir.Kitabımızın Baş Obrazı Vüsal Tahirovun adının və soyadının leksik mənası və izahı da bu qəbildədir.
“Vüsal” sözünün leksik mənası və izahı mənbəyə əsasən belədir: Vüsal ərəb mənşəli sözdür, sevilən şəxslə görüşmə, qovuşma və ya istəyinə çatma mənalarını verir. Əsasən klassik poeziyada eşq, ayrılığın sona çatması və sevgiliyə qovuşmaq anlamında işlənən şairanə bir ifadədir.
Eyni zamanda, Azərbaycanda kişi şəxs adı kimi geniş istifadə olunur.
Vüsal sözünün mənası və özəllikləri bunlardır: Qovuşma, görüşmə, vüsala çatma, ayrılığın bitməsi və s.
Biz Vüsal adını ərəb qrafikası üzrə əbcəd hesabından bir qədər kənar hədlərdə araşdırır, vav-6, sad-90, elif-1, lam-30 hərf-rəqəm dəyərlərini cəmə uyğun tapmağa meyl edirik.Bizim hesab tərzimiz adını təqdir etdiyimiz şəxsin həyat və fəaliyyətini özündə ehtiva edir.
Hesabımızı aparaq:
V - vav = 6
(Ü – u, ü = 11)
S - sad = 90
A - əlif = 1
L - lam = 30
Vüsal - 6+11+90+1+30=138.
İlk şərhimiz belədir: 138 rəqəmindəki 1 - Vüsalın ailədə tək oğul övladı olması, 3 - ailədə üç övlad olmaları, 8 isə yaralanaraq komaya düşdüyü gün və həmin gündən 8 gün sonra şəhid olması faktı ilə nisbət tapır.
T - ta = 9
H - he = 5
(İ – ı, i = 6)
R - ra = 200
(O – o, a =4)
Tahirov - 9+1+5+6+200+4+6=231.
231 rəqəmində də başlanğıc olaraq Vüsalın ailə tərkibi dəqiq notlarla ehtiva edir: burada 2 rəqəmi ata və ananı, 3 – ailədə üç övlad olmağı, 1 isə Vüsalın tək oğul övladı olmasının şərtləndirir.
Burada 2+3=5 və 1 rəqəmlərinin də öz sistematik qrafik tərzi var: 2+3=5 Vüsalın 5-ci ayda (may ayında), 1 isə beşinci ayın (may ayının) 1-də doğulması faktıdır, ailədə 5 nəfərin olduğunu ifadə edir.
138 və 231 rəqəmini xassəvi olaraq çözək; 138 rəqəmindəki sonuncu 3+8=11 – Vüsalın 11-ci ayda, 231 rəqəmindəki əvvəldəki 2+3=5 isə Vüsalın həm 5-ci ayda doğulması, həm də (11+5=16) şərhi üzrə ayın 16-da – yəni 16 noyabrda şəhid olması anlamına gəlir. Xassəvi çözdüyümüz hər iki rəqəmdə (138 və 231) kənar həddə (əvvəldə və axırda) qalan 1 rəqəmi isə cismən yoxluq anlamındadır - 1-1=0.1 rəqəmi özü əlavə vahiddə Vüsalın tək – subay olması qənaətidir.
5 rəqəmi Vüsalın həm özünün, həm də doğulduğu rayonun, eləcə də daşıdığı rütbənin (gizir), ucaldığı adın (şəhid) fövqündəki hərf və səslərin ümumi sayıdır.
231 faktındakı 23 rəqəmi Vüsalın məhz bu yaşda (23 yaşında) şəhid olması, cəmi 23 il yaşayamaq zərurətidir. 23+1=24 faktı Vüsalın, əslində, 24 yaşının içində şəhid olmasına dəlalət edir.
231 rəqəmini əks proporsiyada hesaba cəlb edək: 31-2=29. Bu nisbətdə 29 rəqəmi Vüsalın hazırkı yaşının (2026-cı il üzrə) 29 olduğuna dəlalət edir.
Yaxud, 231 və 138-dəki dairə həddi üzrə riyazi hesab qursaq, 23-13 və 1+8 fəhmi ilə qarşılaşarıq ki, nəticədə 23-13=10+1+8=19 alınar.
Çevrə üzrə aralıq həddinə görə də, 231-dən təzahür edən 31-2=29 fəhmində 29-un güzgü əksi 92-dir. Bu nisbətdə 92+2+3=97 edər. Alınan 19 və 97 riyazi kəsbini eyni müstəvidə yan-yana qoysaq, 1997 alınar ki, bu hədd də Vüsalın 1997-ci ildə doğulmasına işarədir.
Bu hesab, əslində, əbcəddən fərqli (qismən uyğun) simmetrik hesab tərzidir.
Vüsal Tahirovun adının və soyadının latın qrafikalı Azərbaycan əlifbası üzrə hesab tərzi də onun həyatı və şərəfli ölümü ilə bağlı ortaya maraqlı nüanslar qoyur.
Diqqət edək:
V - 30
Ü - 28
S - 25
A - 1
L - 18
Burada nəticə 30+28+25+1+18=102-dir.
102 cəmində 1+0+2=3 fəhmi Vüsalgilin ailədə 3 övlad olması anlamına gəlir. Burada 1 – Vüsalın tək oğul övladı olması, 0 isə orta hədd – yəni ailədə ikinci oğul övladının olmaması faktıdır, 2 isə ailədə bu sayda (2) qız övladının olması zərurətidir.
Digər tərəfdən, 102 əks simmetrik fazasında 10-2=8 Vüsalın noyabrın 8-də yaralanması, yaxud 8 gün komada qalması anlamıdır.
“Tahirov” soyadı da bizə diqqəteidici nüanslar verir:
T - 27
H - 11
İ - 14
R - 24
O - 21
Bu hesabda da 27+1+11+14+24+21+30=128 alınır.
128=1+2+8=11. Bu hesabda nisbi aralıq həddini əlimizdə əsas götürsək, 11=1-1=0 edər.Dediyimiz kimi, 0 Vüsalın cismən yoxluq – yoxolma işarəsidir.11-dəki 1+1=2 zəruri kəsbi Vüsalın həm bu, həm də o biri dünyadakı ucalıq həddidir. 11 hədd kəsbi həm də Vüsalın şəhid olduğu aya (noyabra) işarə edir...
102-nin üzərinə 128-i gəlsək, 230 edər. Buradakı 23+0=23 Vüsalın bu yaşda şəhid olması (həyatda cəmi 23 il yaşaması) ilə şərtlənir. Yaxud, burada 2+3+0=5 həddi Vüsalın adının, daşıdığı rütbənin, doğulduğu rayonun... bu qədər hərf və səsdən ibarət olduğunu göstərir.
128-dən 102-ni çıxsaq, 26 qalar. Ondan da “pi” hərfinin orta radiusunu – 10-u çıxsaq, 16 – Vüsalın şəhid olduğu gün alınar.
Beləliklə, biz Vüsal Tahirovun adının və soyadının hərfi, əslində elmi qayəsinə nüfuz etdik, əbcəd hesabı və kənar hədd üzrə onun həyatı haqqında bəzi nüanslara toxunduq.
Apardığımız rəqəmli təhlillər Vüsalın həyat və tale yolunu azacıq da olsa, özündə dəqiq ehtiva edə bildi.Bu, o mənaya gəlir ki, hər rəqəmin, hər hərfin insan həyatı üçün müstəsna əhəmiyyəti var.
“Vüsal” sözündəki hərflərin hərəsi bir rəqəmlə nisbət tapır, hər hərf (və hər səs) öz dəqiq missiyasını yerinə yetirir...
Biz “Vüsal” sözünü qismən əbcəd hesabı, cümlə, şifrə, ədəd simvolizmi, hürufi heca deyilən hərf tərtibi, rəqəm-işarə qarşılığı ilə xarakterizə etdik.
Sözdəki ü sait səsini hürufi heca-hərf və hərəkələr tərtibinə uyğun ğayn (1000) hərfi, a sait səsini də ayn (70) hərfi ilə qiymətləndirsək, 1000+70=1070 alarıq. 1070-in üzərinə (hicri tarixi ilə miladi tarixi arasındakı fərqi) 621-i gəlsək, 1691 edər. 1691-in üzərinə çevrə həddinə uyğun “Tahirov” soyadının hesab aspektini - 231-i gəlsək, 1922 edər.Bu zəmində əks proyeksiya üzrə 1691 rəqəmini əks həmlə ilə hesaba məruz qoyub, 91-dən 16-nı çıxırıq, alınan fərqi - 75-i 1922-nin üzərinə gəlirik.Cavab 1997 edir.Bu da Vüsal Tahirovun anadan olduğu ildir.
Bəlkə də bu hesab-hərf-rəqəm qarşılığı kimlərdəsə gülüş doğura bilər. Unutmayaq ki, hələ İslamdan çox-çox əvvəl əbcəd hesabından, hürufi heca-hərf tərtibindən, sanskrit əlifbasından və s. geniş istifadə edilib, çox doğru nəticələr əldə olunub...
(Ardı var)
Hikmət Məlikzadə
