İnzibati Xətalar Məcəlləsində, "İnformasiya, informasiyalaşdırma və informasiyanın mühafizəsi haqqında" və "Uşaqların zərərli informasiyadan qorunması haqqında" qanunlarda dəyişiklik edilməsi barədə qanun layihəsinin həyata keçirilməsində valideynlərin rolu danılmazdır. Bu sözləri Medianın İnkişafı Agentliyinin təşkilatçılığı ilə keçirilən ictimai müzakirədə Ailə, Qadın və Uşaq Problemləri üzrə Dövlət Komitəsinin şöbə müdirinin müavini Seymur Məmmədov deyib. "Qanunda təklif olunan dəyişikliklər barədə azyaşlılar düzgün maarifləndirilməlidir. Bu baxımdan, valideynlərin əsas rolu uşaqları düzgün yönləndirməkdir", - deyə o əlavə edib.
