“Ümummilli Lider Heydər Əliyevin dövlətçilik siyasətində memarlıq, şəhərsalma və milli dəyərlər” mövzusunda birgə tədbir keçirilib

Tarix: 09.06.2026 / 15:31
Bölmə: Sosial

İyunun 9-da AMEA Azad Həmkarlar İttifaqı, "İçərişəhər" Dövlət Tarix-Memarlıq Qoruğu İdarəsi, AMEA Memarlıq və İncəsənət İnstitutu, eləcə də AMEA Folklor İnstitutunun birgə təşkilatçılığı ilə "Ümummilli lider Heydər Əliyevin dövlətçilik siyasətində memarlıq, şəhərsalma və milli dəyərlər" mövzusunda tədbir keçirilib. "Azərbaycan Respublikasında 2026-cı ilin "Şəhərsalma və Memarlıq İli" elan edilməsi haqqında" Azərbaycan Respublikası Prezidentinin 2025-ci il 22 dekabr tarixli Sərəncamından irəli gələrək təşkil edilən tədbir çərçivəsində, əvvəlcə AMEA əməkdaşlarının rəsm əsərləri sərgilənib. Sonra Dövlət Himni səsləndirilib, Ulu Öndər Heydər Əliyevin və Vətən uğrunda canlarından keçmiş Şəhidlərin əziz xatirəsi bir dəqiqəlik sükutla yad edilib. Tədbiri açan "İçərişəhər" Dövlət Tarix-Memarlıq Qoruğu İdarəsinin Elmi Mədəni Mərkəzinin direktoru, Elm şöbəsinin müdiri, tarix elmləri doktoru Vəfa Quliyeva tarixi memarlıq irsimizin həm elmi tədqiqatlar, həm də rəsm əsərləri vasitəsilə təbliğ edilməsinin böyük əhəmiyyətinə diqqət çəkib. Tədbirdə açılış nitqi ilə çıxış edən AMEA Memarlıq və İncəsənət İnstitutunun direktoru, AMEA-nın müxbir üzvü Ərtegin Salamzadə 2026-cı ilin ölkəmizdə "Şəhərsalma və Memarlıq İli" elan edilməsinin həm mədəni, həm də siyasi baxımdan tarixi əhəmiyyət daşıdığını deyib: "Dövlət başçısının bu sərəncamı Azərbaycan cəmiyyəti və dünya üçün çox mühüm mesajlar ehtiva edir. Şəhərsalma və memarlıq sadəcə binaların inşası deyil, bütövlükdə cəmiyyətin davamlı inkişafı, sülh və tərəqqi ilə birbaşa bağlı olan geniş bir mədəniyyətdir. Şəhərlərin böyüməsi və müasirləşməsi həyatın özünün inkişaf dinamikasını əks etdirir". Alim vurğulayıb ki, Ümummilli Lider Heydər Əliyevin dövlətçilik siyasətində memarlıq və şəhərsalma məsələlərini müzakirə edərkən, ilk növbədə Ulu Öndərin bu sahəyə olan fitri sevgisini və peşəkar baxışını qeyd etməliyik: "Bildiyiniz kimi, Heydər Əliyev gənclik illərində memarlıq təhsili almağa başlayıb, lakin İkinci Dünya müharibəsi onun bu sahədəki təhsilini yarımçıq qoyub. Buna baxmayaraq, memarlıq sənətinə olan sonsuz məhəbbətini o, bütün həyatı boyu qəlbində yaşadıb və fəaliyyətində rəhbər tutub. Müsair Azərbaycanın memarı olan Ulu Öndərin Azərbaycana rəhbərlik etdiyi birinci dövr ölkəmizdə memarlığın intibah dövrü kimi tarixə düşüb. Məhz həmin illərdə ölkəmizin şəhərsalma və memarlıq sahəsində qazandığı böyük uğurların, əldə olunan tarixi nailiyyətlərin fundamental təməl daşı qoyulub. Bu tarixi irs, bu gün də Azərbaycan memarlığının güc mənbəyidir." Sona çıxış edən AMEA Azad Həmkarlar İttifaqının sədri, siyasi elmlər üzrə fəlsəfə doktoru, dosent Sənan Həsənov sərginin ərsəyə gəlməsində əməyi olan hər kəsə təşəkkür edərək, yaradıcılığın təməlində vətən sevgisinin dayandığını vurğulayıb: "Bu möhtəşəm rəsm əsərlərini və layihələri ərsəyə gətirmək üçün, ilk növbədə, müəlliflərin qəlbində dövlətimizə, tariximizə və milli dəyərlərimizə qarşı böyük bir sevgi olmalıdır. Bu sevgi özlüyündə həm də yüksək ləyaqət rəmzidir. Hər bir əməkdaşımızın bu müştərək işdə nümayiş etdirdiyi fədakarlıq bizim üçün çox dəyərlidir. Tədbirin ortaq təşkilatçısı olan "İçərişəhər" Dövlət Tarix-Memarlıq Qoruğu İdarəsinə və burada əməyi keçən hər bir həmkarımıza bu gözəl təşəbbüsə verdikləri dəstəyə görə minnətdarlığımı bildirirəm. Bu əməkdaşlıq gələcək birgə layihələrimiz üçün həm mükəmməl bir platforma, həm də mühüm bir təcrübədir". Sənan Həsənov AMEA-nın Azad Həmkarlar İttifaqının alim və mütəxəssislərin hüquqlarını qorumaqla yanaşı, həm də onların yaradıcı və elmi potensialını cəmiyyətə təqdim edən böyük bir təsisat olduğunu deyib. Təşkilatın "Şəhərsalma və Memarlıq İli" çərçivəsində Akademiyada il boyu fəliyyətin önəmli bir parçası olaraq, bu cür tədbirləri davamlı təşkil etdiyini bildirib. Qeyd edib ki, Ümummilli Lider Heydər Əliyevin dövlətçilik siyasətində memarlıq və şəhərsalma ideyaları ən yüksək dəyərlərdən biridir. Biz bu irsi nə qədər dərindən tədqiq etsək də, hər dəfə yeni-yeni elmi məqamlar kəşf edirik. Bu baxımdan, Akademiyanın cəmiyyətdəki rolu və yeri tamamilə aydındır. Bu gün AMEA-nın ziyalıları dövlətimizin çağırışlarına ən yüksək səviyyədə cavab verir, aktual tədqiqatları ilə ölkəmizin inkişafına mühüm töhfələr bəxş edirlər. Tədbirdə AMEA Folklor İnstitutunun direktor müavini, filologiya üzrə fəlsəfə doktoru, dosent Afaq Ramazanova, İnstitutun "Cənubi Azərbaycan Folkloru" şöbəsinin müdiri, filologiya elmləri doktoru, dosent Mətanət Abbasova, Həmkarlar Təşkilatının sədri Aynur İbrahimova, AMEA Memarlıq və İncəsənət İnstitutunun "Memarlıq tarixi və nəzəriyyəsi" şöbəsinin aparıcı elmi işçisi, memarlıq üzrə fəlsəfə doktoru, dosent Sevinc Tangudur, "Memarlıq tarixi və nəzəriyyəsi" şöbəsinin aparıcı elmi işçisi, memarlıq üzrə fəlsəfə doktoru, dosent Rizvan Babaşov və rəsm əsərlərinin müəllifləri çıxış edərək, memarlıq elementlərinin, şəhərsalma mədəniyyətinin və xalq folklorunun milli kimliyin formalaşmasındakı mühüm rolunu vurğulamaqla, Ulu Öndər Heydər Əliyevin azərbaycançılıq məfkurəsinin bu sahələrin inkişafına verdiyi böyük təkan və tarixi töhfələrə diqqət çəkiblər. Tədbir çərçivəsində sərgidə fırça və rənglərin dili ilə tarix və müasirliyin vəhdəti Xəzər Zeynalovun "İlk çərşənbə", Rizvan Babaşovun (Qarabağlı) "Əcəmi Naxçıvani", Aysel Talıbovanın "Tariximizin keşiyində", "Memarlıq. Təzadlar", "Şuşa", Rüsxarə Əlizadənin "Elmin inkişafı", Oksana Məmmədovanın "İşğaldan azad edilmiş abidələrimiz", "Narın sirri", "Yaddaşın naxışları-tarixin izləri", Leyla Məmmədkərimovanın "Qarabağın səsi" Səyyad Bayramovun "İçərişəhər", Vəfa Əliyevanın "İnkişaf" və digər rəsm əsərləri ilə nümyiş olunub.

DİGƏR XƏBƏRLƏR

Tarix: 09.06.2026 / 16:05

Heydər Əliyev və Azərbaycan memarlığı

Tarix: 09.06.2026 / 14:22

Mingəçevir Dövlət Universitetində Elektron Sənəd Dövriyyəsi Sisteminə tam keçid təmin edilib: Əməkdaşlara praktiki təlimlər keçirilib

Tarix: 09.06.2026 / 14:14

Polis Bakıda avtomobilin önünü kəsən qadınla bağlı açıqlama yaydı...

Tarix: 09.06.2026 / 13:16

Azovda dron hücumunda həlak olan daha iki azərbaycanlının nəşi tapıldı...

Tarix: 09.06.2026 / 11:36

Masazırda sürücülər arasında insidentlə bağlı bir nəfər saxlandı...

Tarix: 09.06.2026 / 09:23

Əfqan Sadıqov həbs edildi

Tarix: 08.06.2026 / 22:12

3 nömrəli tam orta ümumtəhsil məktəbində maarifləndirici tədbir keçirilib - FOTO

Tarix: 08.06.2026 / 19:20

Bakcell yeni baş icraçı direktor təyinatını elan edib

Tarix: 08.06.2026 / 17:09

Azərbaycanda 34 min uşağın hər birinə 600 manat ödənib - bəs pis olan nədir?..

Tarix: 08.06.2026 / 16:54

ATMU da “İnsan alveri ilə mübarizədə təhsil müəssisələrinin rolunun gücləndirilməsi” mövzusunda təlim təşkil olunub

Tarix: 08.06.2026 / 15:09

20 bala görə sürücülük hüququnun itirilməsi niyə düzgün deyil?...

Tarix: 08.06.2026 / 14:34

Aşuranın vaxtı açıqlandı

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 04.06.2026 / 21:37

Ermənilərin Başkəndi Azərbaycanın hansı kəndi ilə dəyişdirilə bilər? - Paşinyan niyyətini açdı...

Tarix: 04.06.2026 / 14:29

Vətən müharibəsi və Milli Qəhrəmanların təqaüdlərini bərabərləşdirmək olar...(?)

Tarix: 04.06.2026 / 12:16

Yuxarı məmurların övladları əsasən dövlət məktəblərində oxumurlar... Təhsil məmurları isə...

Məcburi köçkün gənclərin inkişafına son 20 ildə dövlət dəstəyi...