İctimai nəzarət: güclü cəmiyyətin və sağlam idarəçiliyin vacib şərti

Tarix: 07.06.2026 / 16:57
Bölmə: Sosial

Müasir dövrdə dövlətin uğurlu inkişafı təkcə qəbul olunan qərarlardan deyil, həm də cəmiyyətin həmin proseslərdə iştirakından asılıdır. Bu baxımdan ictimai nəzarət dövlətlə vətəndaş arasında qarşılıqlı etimadı möhkəmləndirən mühüm amillərdən biridir. Azərbaycanda son illər bu sahəyə göstərilən diqqət ictimai nəzarətin əhəmiyyətini daha da artırıb. Prezident İlham Əliyev çıxışlarında dəfələrlə vurğulayıb ki, ictimai nəzarət hər bir dövlət qurumunun fəaliyyətində vacib rol oynayır. Dövlət başçısının fikrincə, vətəndaşların fəallığı, onların müraciət və təklifləri bir çox problemlərin vaxtında aşkara çıxarılmasına və həllinə kömək edir. Bu yanaşma göstərir ki, dövlət idarəçiliyində vətəndaşın səsi eşidilməli və nəzərə alınmalıdır. Əslində ictimai nəzarət yalnız nöqsan axtarmaq deyil. Bu, cəmiyyətin öz gələcəyinə laqeyd qalmamasının göstəricisidir. İnsanlar yaşadıqları mühitdə baş verən hadisələrə diqqət yetirdikdə, problemləri qaldırdıqda və onların həllinə çalışdıqda həm dövlət, həm də cəmiyyət qazanır. Məhz buna görə ictimai nəzarət sağlam və inkişaf edən cəmiyyətin vacib göstəricilərindən hesab olunur. Bu gün ölkəmizdə fəaliyyət göstərən ictimai təşkilatlar, qeyri-hökumət qurumları, media nümayəndələri və fəal vətəndaşlar bu prosesdə mühüm rol oynayırlar. Onların fəaliyyəti bir tərəfdən cəmiyyətin narahatlıqlarını aidiyyəti qurumlara çatdırmağa, digər tərəfdən isə dövlətlə vətəndaş arasında daha səmərəli dialoqun qurulmasına xidmət edir. Biz də cəmiyyətin bir parçası olaraq hesab edirik ki, hər bir vətəndaş yaşadığı ölkənin inkişafına öz töhfəsini verməlidir. Prezident İlham Əliyevin həyata keçirdiyi islahatları və ictimai fəallığın artırılması istiqamətində atdığı addımları dəstəkləyərək hər birimizin üzərinə düşən məsuliyyəti dərk etməsi vacibdir. Güclü dövlətin dayağı yalnız dövlət institutları deyil, həm də fəal və məsuliyyətli vətəndaş cəmiyyətidir. Dünya Azərbaycanlılarının Mədəniyyət Mərkəzi də bu prinsiplərə sadiq qalaraq milli-mənəvi dəyərlərin qorunması, vətənpərvərlik ruhunun təbliği, maarifləndirmə layihələrinin həyata keçirilməsi və ictimai faydalı təşəbbüslərin dəstəklənməsi istiqamətində illərcə fəaliyyət göstərir. Mərkəz hesab edir ki, cəmiyyətin inkişafı yalnız birgə səylər və qarşılıqlı məsuliyyət sayəsində mümkündür. Bu gün qarşımızda duran əsas vəzifələrdən biri ictimai fəallığın daha da artırılması, vətəndaş məsuliyyətinin gücləndirilməsi və cəmiyyətin bütün təbəqələrinin ölkənin inkişaf prosesində iştirakını təmin etməkdir. Çünki hər birimizin biganə qalmadığı, məsuliyyət hissi ilə yanaşdığı cəmiyyət daha güclü, daha sabit və daha uğurlu olur. İctimai nəzarət dövlətə qarşı deyil, əksinə, dövlətçiliyin möhkəmlənməsinə xidmət edən vacib ictimai mexanizmdir. Dövlətlə vətəndaş arasında qarşılıqlı etimad nə qədər güclü olarsa, əldə olunan nəticələr də bir o qədər uğurlu olar. Azərbaycanın inkişaf yolunda bu həmrəylik və qarşılıqlı məsuliyyət xüsusi əhəmiyyət daşıyır.

DİGƏR XƏBƏRLƏR

Tarix: 07.06.2026 / 14:24

I və IV qruplar üzrə qəbul imtahanı keçirildi, 10 nəfərdə telefon aşkarlandı

Tarix: 07.06.2026 / 13:50

Şəki və Zaqatalada qəbul imtahanı 12 mərkəzdə aparılıb

Tarix: 07.06.2026 / 11:05

İyunun 7-si Ümumdünya Qida Təhlükəsizliyi Günüdür

Tarix: 06.06.2026 / 15:33

Kəlbəcərdə iki hərbçimiz dərəyə yıxıldı, biri həlak oldu - RƏSMİ

Tarix: 06.06.2026 / 15:07

Sarayda şagirdi döyən idman müəllimi cəzalandırıldı

Tarix: 06.06.2026 / 14:00

Yasamalda vətəndaşa məxsus mənzil ondan xəbərsiz sökülür? – İcra Hakimiyyətindən AÇIQLAMA...

Tarix: 06.06.2026 / 13:20

Sərnişin təyyarəsində baş verən qəzanın maraqlı sirri

Tarix: 06.06.2026 / 12:44

Bakı bulvarında klassik və sürət avtomobillərinin festivalı keçirilir

Tarix: 06.06.2026 / 11:21

“Yaşıl gələcək dövlət siyasətinin, elm və təhsilin ortaq strateji nəticəsidir” - MDU rektoru Anar Eminov yazır

Tarix: 06.06.2026 / 10:09

Azərbaycan sərhədini pozmaq istəyən əcnəbilər saxlandı

Tarix: 05.06.2026 / 14:26

Cərimə balları artırıla bilər - 20-dən 40-50-yə...

Tarix: 05.06.2026 / 13:57

Naxçıvan Avtomobil Yolları Agentliyinin işi prokurorluğa göndərildi

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 04.06.2026 / 21:37

Ermənilərin Başkəndi Azərbaycanın hansı kəndi ilə dəyişdirilə bilər? - Paşinyan niyyətini açdı...

Tarix: 04.06.2026 / 14:29

Vətən müharibəsi və Milli Qəhrəmanların təqaüdlərini bərabərləşdirmək olar...(?)

Tarix: 04.06.2026 / 12:16

Yuxarı məmurların övladları əsasən dövlət məktəblərində oxumurlar... Təhsil məmurları isə...

Məcburi köçkün gənclərin inkişafına son 20 ildə dövlət dəstəyi...