Elçin Əfəndi: “Bu ona xidmət edir ki, təhsildə fasilə yaranmasın, şagirdlər distant qayadada təhsillərini davam etdirsinlər”
Elm və təhsil naziri Emin Əmrullayev Birləşmiş Millətlər Təşkilatının Ümumdünya Şəhərsalma Forumunun On Üçüncü sessiyasının (WUF13) keçirildiyi dövrdə Bakı şəhərində fəaliyyət göstərən təhsil müəssisələrinin fəaliyyətinin tənzimlənməsi məqsədilə əmr imzalayıb.
Əmrə əsasən, WUF13-ün keçiriləcəyi 17-22 may tarixlərində Bakı şəhərində fəaliyyət göstərən təhsil müəssisələrində (məktəbəqədər və internat tipli ümumi təhsil müəssisələri istisna olmaqla) tədris və təlim-tərbiyə prosesinin təşkilində bəzi dəyişikliklər ediləcək.
Belə ki, ümumi təhsil müəssisələrinin məktəbəhazırlıq qrupları və ibtidai sinifləri üzrə mayın 18-dən 22-dək tətil (1-5 may tarixləri əvəzinə) müəyyən ediləcək.
Bundan başqa, Pirallahı, Qaradağ, Suraxanı, Sabunçu və Nizami rayonları istisna olmaqla, Bakı şəhərinin digər rayonlarında fəaliyyət göstərən ümumi təhsil müəssisələrinin V-XI siniflərində dərslər mayın 18-dən 22-dək distant (məsafədən) formada keçiriləcək.
Eyni zamanda Bakı şəhərində yerləşən peşə, orta ixtisas və ali təhsil müəssisələrində də tədrisin mayın 18-dən 22-dək distant (məsafədən) formada təşkili əmrdə qeyd olunur.
Ümumdünya Şəhərsalma Forumunun On Üçüncü sessiyası kimi beynəlxalq tədbirlərin Bakıda keçirilməsinin ölkənin qlobal imicini gücləndirməsi, investisiya və əməkdaşlıq imkanlarını genişləndirməsi. Bu baxımdan WUF13 kimi qlobal tədbirin təşkili ölkənin müxtəlif sahələrində olduğu kimi, təhsil sistemində də müvəqqəti adaptiv yanaşmaların tətbiqini zəruri edir.
Heç şübhəsiz ki, təhsilin fasiləsizliyin təmin olunması baxımından tədbir müddətində dərslərin onlayn formata keçirilməsi zərurətdən irəli gəlir və bu o deməkdir şagirdlər təhsil proqramından geri qalmayacaqlar. Eyni zamanda fəaliyyətində qısamüddətli fasilə yaranan təhsil müəssisələrinin işinin onlayn təşkili faydalı olacaq, çünki proses mövcud təcrübə əsasında təmin ediləcək. Bu da şagirdlərin davamlı təhsil almasına imkan verəcək. Təhsildə fasilə yaranmayacaq.
Eləbir dövdə yaşayırıq ki, rəqəmsal təhsil alətləri artıq alternativ deyil, tamamlayıcı mexanizm kimi çıxış edir. Bu mənada bəzi məktəblərdə müvəqqəti olaraq distant tədrisə keçid həm şagirdlərdə texnoloji bacarıqların inkişafına, həm də təhsil sisteminin dayanıqlılığının gücləndirilməsinə töhfə verir.
Ekspertlərin fikrincə, əvvəla, distant təhsilə keçid olduqca faydalıdır və bu şagirdlərdə txnoloji bacarıqları inkişaf etdirməklə yanaşı həm də onların istənilən şəraitdə təhsillərini davam etdirmələrinə ərait yaradır. Şagirdlər evdən çıxmadan onlayn qaydada dərlərini davam etdirir, proqramdan geri qalmırlar. Ekspertlərə görə, digər tərəfdən, bu təhsildə artıq alternativ forma deyil, inkişafın indiki mərhələsində təhsilin tamamlayıcı vacib faktordur. Xüsusən də təhlükəsizlik risqlərinin getdikcə artığı bir dünyada, təbii fəlakətlərin, texnogen problemlərin yaranma riqslərinin gücləndiyi bir şəraitdə hər bir cəmiyyət onlayn, distant tədrisə hazır olmalıdır. Yəni zərurət yarandıqda onlayn tədrisə keçid edilməlidir, bunun üçün də hazırlıq vacibdir. Ekspertlər deyir ki, bu daimi bir hal deyil, vacib situsiyalarda meydana çıxan müvəqqəti haldır. “WUF13” kimi vacib tədbirlərlə əlaqədar olaraq tədrisin distant qaydaya geçməsini zəruri edir. Ekspertlər deyirlər ki, dünyanın müxtəlif ölkələrində bu təcrübə var və vacib tədbirlər olanda məktəblər, təhsil müəssisələri onlayn tədrisə keçir. Ekspertlərin fikrincə, əsas odur ki, təhsilin fasiləsizliyi təmin edilir. Bu bu alternativ bir üsul olmasa da, tamamlayıcı bir üsuldur və dövlətin təşkil etdiyi tədbir uğurla həyata keçirilir, təhsil də fasiləsizlik təmin edilir, hər ikisi də ziyan görmür.
Təhsil eksperti Elçin Əfəndi baki-xeber.com-a bilirdi ki, qəbul edilən qərar tamamilə doğrudur və bəzi məktəblərin müvəqqəti olaraq distant təhsilə keçməsi faydalı olacaq. “Əlbəttə, belə bir qərarın qəbul olunması tamamilə əsaslıdır. Tədbir müddətində təhsildə fasilə yaranmasın deyə belə bir qərar qəbul olundu. Əgər onlayn tədrisə keçidlə bağlı qərar qəbul olunmasaydı təhsildə fasilə yaranacaqdı və şagirdlər proqramdan geri qalacaqdılar. Təhsildə fasilə olmaqdansa vaxtın dəyişməsi daha doğru idi. On gün şagirdləri tədris prosesindən uzaq tutmaqdansa yerdəyişmə ilə onların fasiləsiz təhsil almasını təmin edirik. Bu addımı faydalı sayıram. Bu ona xidmət edir ki, təhsildə fasilə yaranmasın, şagirdlər distant qayadada təhsillərini davam etdirsinlər. Məktəbə getmədən tədris prosesində iştirak edəcəklər. Belə forsmajor hallarda bu qərarların alınması doğrudur”-deyə E.Əfəndi bildirdi.
İradə SARIYEVA
