Azərbaycanda işsiz qadınlarla bağlı maraqlı statistika var

Tarix: 16.04.2015 / 03:03
Bölmə: Sosial

Mehriban Zeynalova: «Qadınların işləməsinə münasibət heç vaxt birmənalı olmayıb»

«Bu gün qadının daha çox işə cəlb edilməsi iqtisadiyyatın aktivliyinə səbəb olacaq»

Hazırda dünyada, o cümlədən ölkəmizdə çalışan qadınların sayı getdikcə artmaqdadır. Qadın məşğulluğunun ən yüksək olduğu ölkə hər yüz qadından 71-nin çalışdığı Danimarkadır. İkinci sırada 70 faizlə İsveç, 66 faizlə Hollandiya, 65 faizlə Finlandiya, 62 faizlə İngiltərədir. Onların çalışma faizinin aşağı olduğu ölkələrdən biri 24 faizlə Türkiyədir.

Qadınların çalışma səbəblərinə gəldikdə, ilk olaraq, ailəyə əlavə gəlirin daxil olmasını göstərmək olar. Eləcə də qadının iş tələbi təhsil səviyyəsindən də qaynaqlanır. Təhsil səviyyəsi yüksək olan qadınlar peşə əldə etmək, müstəqillik, yeni ictimai əlaqələr qurmaq və gələcəyini zəmanət altına almaq baxımından işləməyə çalışır. Araşdırmalara görə, son 20-30 ildə xüsusilə inkişaf etmiş ölkələrdə qadınların işə cəlb olunmasında artım olub.

Açıqlanan statistik rəqəmlərə əsasən, məşğulluq xidməti orqanları tərəfindən ölkə üzrə rəsmi işsiz statusu verilmiş şəxslərin sayı 29,1 min nəfər olub, onların 39,2 faizini qadınlar təşkil edib.

«Təmiz Dünya» İctimai Birliyinin sədri Mehriban Zeynalova qəzetimizə açıqlamasında bildirdi ki, hər bir qadının öz fikri, ehtiyacları, istəkləri var: «Kimsə özünü ancaq evdar qadın kimi görür, istəyir ki, ev işləri ilə məşğul olsun. Bəziləri fikirləşir ki, öz vaxtını daha çox uşağa sərf etsin, kimsə düşünür ki, işləsin, oxusun, karyera qursun. Həyatının qrafikini elə qurur ki, hər bir şeyi çatdırır, ev işində, uşağı ilə ünsiyyətdə ola bilir. Əsas problem ondan ibarətdir ki, bəzən qadınlar arzularının həyata keçməsi üçün təhsil alır və ailə qurduqdan sonra qadına qadağa qoyulur ki, işləməsin. Çox vaxt bu, ailədə münaqişəyə gətirib çıxarır. Ona görə ki, burada psixoloji amil böyük rol oynayır. Birinci, arzunun, məqsədin puç olmasıdır ki, bəzən qadınlar bununla razılaşa bilmir. Nəticədə aqressiya yaranır və bu aqressiya ona qadağa qoyan insana qarşı yönəlir».

Ekspertin sözlərinə görə, digər tərəfdən, qadın bütün günü ancaq ev işləri ilə məşğul olursa, bu, depressiya vəziyyətinə də gətirib çıxara bilər: «Məsələn, kişilərin qorxduğu dedi-qoduların səbəbi bu da ola bilər. İşləməyən qadının sabaha görə ümidi yoxdur. Əgər qadın ailədə zorakılıqla qarşılaşırsa, işləyən qadın buna qarşı mübarizə edəcəksə, işləməyən qadın susacaq və düşünəcək ki, mən işləmirəm, sabah yoldaşım evdən qova bilər, pul verməyəcək, boşanacaq, mən nə edəcəmğ İşləyən qadın isə daha çox oxuyur, yeniliklərlə maraqlanır, öz üzərində çalışır. Bu isə ailədə müxtəlif mövzularda müzakirə, ünsiyyət deməkdir. Bir də yəqin ki, evdar qadın çox vaxt özünə qulluq etməkdə tənbəllik edir, bütün gün ev işləri, uşaq və s. ilə məşğul olduğundan, çox vaxt qadınlar özünü yaddan çıxarır. Amma çalışan qadın geyiminə, kosmetika və s. diqqət yetirir ki, bu da ailədə qadın və kişi münasibətinin möhkəmləndirilməsinə gətirib çıxarır. Beləliklə, işləməklə bağlı hər bir qadının öz seçimi olmalıdır. İşləyən qadının rolu, sözü, statusu ailədə daha yüksəkdir, nəinki işləməyən».

Həmsöhbətimiz onu da əlavə etdi ki, hansısa kişinin qadının çalışmasını istəməməsi isə fərdi yanaşmadır. Onun fikrincə, bu gün qadının daha çox işə cəlb edilməsi iqtisadiyyatın aktivliyinə səbəb olacaq: «Məsələn, 10 il qabaq Avstriyanı böhrandan çıxaran faktor qadınların bütün sahələrdə işə cəlb edilməsi oldu. Bu gün ölkəmizdə bütün istiqamətdə qadınlar işə cəlb edilir. Qadın hakimlər var, icra başçılarının müavinləri də qadınlardır. Biz istəyirik ki, dövlət qulluğunda qadınların sayı artsın».

M.Zeynalovanın sözlərinə görə, qadınların işləməsinə münasibət heç vaxt birmənalı olmayıb: «Bir çox ailələrdə hələ də zərif cinsin nümayəndəsinin çalışmasına pis baxırlar. Əksər kişilər bunu belə izah edir ki, onun xanımına kimsə əmr edə, onu buyura, danlaya, irad tuta bilməz. Kişilərin təxminən 50-60 faizi xanımlarının işləməsinə razı deyil. Xanımın daha çox pul qazanması, daha yaxşı yerdə işləməsi nəticəsində get-gedə həyat yoldaşına qarşı münasibətinin dəyişməsindən qorxan kişilər onların cəmiyyətdə irəliləməsinə qarşı çıxır. Bəzi kişilərin köhnə fikirli olması, yəni qadının yalnız evdə oturmalı, ev işləri görməli, uşaqlarına və həyat yoldaşına qulluq etməli olduğunu iddia edənlər də az deyil. Əsasən özünə inanmayan kişilər xanımlarının potensialının inkişafının qarşısını alır.

Onlar özləri necədirsə, bütün insanları da elə görürlər. Saf niyyətli, təmiz düşüncəli insanlar ətrafdakıları da özləri kimi bilir və bu tip kişilər xanımlarının işləməsinə, inkişaf etməsinə normal baxır və hətta yardım belə edir. Əksinə, qadın nə qədər çərçivəyə salınırsa, məcburi evdə oturmağa məhkum olunursa, bir o qədər aqressivləşir, ailəsinə qarşı soyuyur. Çalışan qadınlar isə işlərindən aldıqları stimulu ailələrinə, övladlarına yönəldərək onların da düzgün formalaşmasına kömək edir».

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...