Hüseyn Cavid yaradıcılığı məktəblilərin gözü ilə

Tarix: 15.04.2015 / 03:13
Bölmə: Sosial

Azərbaycan ədəbiyyatında orijinallığı ilə seçilən, nəzm, dramaturgiya, poema janrlarında müxtəlif əsərlərin müəllifi dahi dramaturq Hüseyn Cavidin bütün əsərlərində bəşəri ideyalar, insanlığın xilası olan sevginin təcəssümünü görmək mümkündür. Təqdirəlayiq haldır ki, bu gün təkcə elmi ictimaiyyətdə deyil, orta ümumtəhsil məktəblərində də Cavid yaradıcılığı yüksək səviyyədə tədris edilir, şagirdlərə aşılanır.
Bakının Nizami rayonundakı 10 saylı orta məktəbdə dahi dramaturqun yaradıcılığına həsr edilmiş ədəbi-bədii gecə şagirdlərin Hüseyn Cavidə olan sevgisinin ən parlaq təcəssümü idi. Nizami rayon icra başçısı Tahir Budaqovun, hümanitar məsələlər üzrə müavin Gülnaz İsrafilovanın və rayon ictimaiyyətinin iştirak etdiyi tədbir bir ədəbi bayrama çevrilmişdi. İlk olaraq, dramaturqun həyat və fəaliyyətinin əsas məqamlarını əks etdirən videoçarxa baxış oldu. Videoçarxda Cavidin ailə fotoları, əsərlərindən parçalar, ulu öndər Heydər Əliyevin dramaturqun qızı Turan xanımla görüşü, Cavid məqbərəsinin açılışı əks olunmuşdu.
Şagirdlərin ifasında təqdim edilən ədəbi-bədii kompozisiya yazıçının müxtəlif məzmunlu şeirləri, dram əsərləri, eləcə də "Azər" poeması əsasında hazırlanmışdı. Şagirdlərdən Sadiq Musazadə və Əsmər Salahovanın aparıcılıq etdiyi tədbirdə səsləndirilən şeirlər, təqdim edilən mahnı və rəqslər Hüseyn Cavid yaradıcılığının əsas məqamlarını əks etdirirdi. Hüseyn Cavidin obrazını canlandıran Xalid Musazadənin, Xəyyam və Məhəmməd peyğəmbər obrazlarını canlandıran Əhməd Məmmədlinin çıxışları tamaşaçıların alqışları ilə qarşılandı.
Hüseyn Cavidin məşhur şeirlərindən olan məktəbli qız Gülbaharla müəllimin dialoqu, şairin ülvi məhəbbəti vəsf etdiyi şeirləri, Fatimə və Günelin ifasında şairin bir neçə şeirinə bəstələnmiş mahnı, Püstənin milli rəqs ifası, Mələk və İblisin dialoqu Cavid fəlsəfəsinin əsas qayəsini təşkil edirdi. Sonda Hüseyn Cavidin " İblis" dramından səsləndirilən İblisin monoloqu, şairin obrazının səhnədə canlandırılması, kompozisiyanın finalı tamaşaçı alqışına səbəb oldu. İkinci sinif şagirdi Hüseynin, üçüncü sinif şagirdləri Ömər, Amin və Aytacın, Fatimə, Nərgiz, Famil, Rübabə, Günel, Valentina, Ruqəyya, Mehrubə, Məlahət, Nərmin, Leyla, Ayxan, Qızqayıt, Nailə, Aslan və digərlərinin təsirli çıxışları, Cəlalın tarda ifası həm qonaqlar, həm də məktəb kollektivi tərəfindən rəğbətlə qarşılandı.
Şagirdlər ədəbi-bədii gecənin hazırlanmasında böyük əməyi olan müəllimlərinin-Familə Aslanlının, Nüşabə Sadiqovanın, Sevda Hacıyevanın onlara olan ümidlərini layiqincə doğrultdular. Məktəbin direktoru Leyla Məmmədova bu cür ədəbi bədii tədbirlərin artıq məktəbdə ənənə halını aldığını qeyd etdi və bildirdi ki, bu cür tədbirlər şagirdlərin ictimai fəallığının artırılması ilə yanaşı, onların dünyagörüşünün formalaşmasında mühüm rol oynayır. Tədbirdə çıxış edən Nizami Rayon İcra Hakimiyyətinin başçısı Tahir Budaqov, Nizami rayon YAP təşkilatının sədri, millət vəkili Sədaqət Vəliyeva, rayon Ağsaqqallar Şurasının sədri Mail Əliyev bu cür tədbirlərin məktəblilərin vətənpərvərlik tərbiyəsində mühüm əhəmiyyəti olduğunu vurğulamaqla, şagirdlərə təhsillərində uğurlar arzuladılar.

DİGƏR XƏBƏRLƏR

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...