Dərman monopolizmi qiymət bahalığının əsas səbəbi kimi...

Tarix: 15.04.2015 / 03:12
Bölmə: Sosial

Adil Qeybulla: "Ölkədə dərman təhlükəsizliyi konsepsiyası olmalıdır"

"Dərman idxalında rəqabət çox zəifdir"
Azərbaycanda dərman preparatlarının baha satıldığı heç kimdə şübhə doğurmur. Digər tərəfdən, apteklərdə dərman preparatlarının vahid qiymətinin olmaması da alıcıları narahat edən başlıca problemlərdəndir. Eyni dərmanlar fərqli apteklərdə fərqli qiymətlərə satılır.
Hətta bir-birinə yaxın məsafədə yerləşən apteklərdə eyni dərmanın qiymətində kəskin fərqlərin olduğu üzə çıxır. Bu qiymət fərqləri özünü əsasən də paytaxtın mərkəzində daha qabarıq şəkildə göstərir.
Məlum olduğu kimi, Prezident İlham Əliyevin Nazirlər Kabinetinin iclasında dərman bazarındakı qiymət artımından da narazılığını dilə gətirməsi ictimaiyyətdə böyük marağa səbəb olub. Onun sözlərinə görə, bu sahədə bir sıra problemlər var: "Gördük ki, bu sahədə çox böyük pozuntular, uyğunsuzluqlar var. Bəzi hallarda dərmanların qiyməti bir neçə dəfə, bəzi hallarda on dəfə şişirdilir. Yəni burada tamamilə özbaşınalıq və anarxiya hökm sürürdü. Kim dərmanı hansı qiymətə istəyirdi, o qiymətə də satırdı. İnsanlar da məcbur olub o dərmanları alırdılar, böyük vəsait xərcləyirdilər, xüsusilə pensiyaçılar ki, onlara daha çox dərman lazımdır. Ona görə mən Səhiyyə Nazirliyinə, İqtisadiyyat və Sənaye Nazirliyinə göstəriş vermişəm ki, bu sahədə vəziyyət tamamilə nəzarətə götürülsün".
İqtisadçı millət vəkili Vahid Əhmədov mətbuata açıqlamasında bildirib ki, dərman qiymətləri ilə bağlı mexanizm açıqlanmalıdır: "Dərmanların qiyməti ilə bağlı Prezident sərəncam verib. Ancaq hökumət dərman qiymətlərinin tənzimlənməsi ilə bağlı mexanizmlərini hələ də açıqlamayıb".
Görünən odur ki, bu sahədə mövcud olan monopoliya dərmanların baha qiymətə satılmasına şərait yaradır. Ümumilikdə dərman monopoliyasına necə son qoymaq olar? Ekspertlər bununla bağlı nə təklif edir?
Məsələyə münasibət bildirən tibb elmləri doktoru Adil Qeybullanın sözlərinə görə, bu sahədə rəqabət mühiti yaradılmalıdır: "Ölkədə dərman təhlükəsizliyi konsepsiyası olmalıdır. Məlum olduğu kimi, dərman və ərzaq konsepsiyası milli təhlükəsizlik konsepsiyasının tərkibinə daxildir. Lakin Azərbaycanda bu sahədə boşluq var və dərman bazarında acınacaqlı vəziyyət hökm sürür. Dərmanların keyfiyyət parametrləri çox aşağı səviyyədədir. Tərkibindəki kimyəvi maddələrin hansı səviyyədə olması ilə bağlı məlumatlar düzgün deyil və təsiredici maddələrin nə dərəcədə düzgün müəyyənləşdirildiyi də sual altındadır. Manatın devalvasiyasından sonra bəzi apteklərdə dərmanların qiyməti ilə bağlı fərqli vəziyyət yarandı. Bu da cəmiyyətdə ciddi narahatlığa səbəb oldu. Hökumət buna müvəqqəti də olsa müdaxilə etməlidir, yəni ən azından müəyyən sertifikasiyalardan keçmiş və yalnız Ümumdünya Səhiyyə Təşkilatının tanıdığı, sınadığı dərman preparatları ölkəyə gətirilməlidir. Prezidentin son çıxışı dövlət tərəfindən dərman bazarında araşdırmalar aparılmasına səbəb olacaq.
Ölkəyə keyfiyyətsiz dərmanların daxil olmasına əsas səbəb kooperativ maraqlar olub. Bundan başqa, dərman idxalında rəqabət çox zəifdir. Rəqabət artırılmalıdır. İdxalçılar da bu şəraitdən sui-istifadə edirdilər. Ölkə Prezidentinin bu məsələyə reaksiya verməsi həmin sahədə vəziyyətin ciddi olduğunu göstərir. Dərmanların bəzilərinin istehsal yeri müəmmalı olaraq qalır".

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...