İctimai yerlərdə qətllər niyə törədilir?

Tarix: 15.04.2015 / 02:24
Bölmə: Sosial

Aytəkin Kamranqızı: "İctimai yerlərdə qətllərin baş verməsi narahatedici haldır"

"Əvvəl ər öz arvadına küçədə bir sillə vurmağı belə yaraşdırmırdısa, indi bunu küçədə, hamının gözü qarşısında çəkinmədən edir"

Son günlər ailədaxili qətllərin ictimai yerlərdə törədilməsini, demək olar ki, tez-tez müşahidə edirik. Ötən həftə ərzində ictimai yerlərdə baş verən qətllər əhali arasında narahatlığa səbəb olub. Qeyd edək ki, bir neçə gün öncə Mirzəyev Təhmasib Saleh oğlu həyat yoldaşı, 1991-ci il təvəllüdlü Mirzəyeva Nigar Hümbət qızını yaşadıqları binada qətlə yetirib.
T.Mirzəyev həyat yoldaşını binanın liftində çoxsaylı bıçaq zərbələri ilə öldürüb. Həmin hadisənin törədildiyi günün səhərisi isə 135 saylı sərnişin avtobusunda Xırdalan şəhərindən Bakıya gələn ər həyat yoldaşını bıçaqlayıb. Avtobus "Şamaxinka" adlanan ərazidə dayanıb və hadisəni törədən Məmmədov Namiq Hacı oğlu hadisə yerindən qaçıb. Bıçaqlanan qadın isə Akademik Mirqasımov adına Respublika Kliniki Xəstəxanasına aparılarkən yolda dünyasını dəyişib. Məlumata görə, qətlə yetirilən 1968-ci il təvəllüdlü Şəmiyeva Fatma Məhəmməd qızıdır.
Baş verən cinayət hadisələrinin ictimaiyyətin gözü önündə baş verməsi insanların psixologiyasına mənfi təsir göstərir.
Sosioloq Aytəkin Kamranqızının fikrincə, ictimai yerlərdə qətllərin baş verməsi narahatedici haldır: "Əvvəllər bu tip hadisələr ailədə, evdə törədilirdisə, artıq insanlarda mənəvi deqradasiya prosesinin sürətlənməsi onları bu cür əməllərə sövq edir. Özünüz də şahidsiniz ki, ölkədə, demək olar ki, az qala hər gün ər öz həyat yoldaşını qətlə yetirir. Çox təəssüf ki, hər birimiz bu xəbəri eşidəndə başımızı bulayıb keçirik. Halbuki, bu qətllərin hər biri bir araşdırma mövzusu olmalı, sosial qurumları narahat etməlidir. Ailədə yaşayan iki doğma adamın birdən-birə niyə öz ailəsindən olan birinin canına qıyması heç kəsi düşündürmür. Bizi sadəcə hadisənin təfərrüatı narahat edir. Kiçik münaqişənin bu cür ağır qətllə sonuclanması isə aidiyyəti qurumları maraqlandırmır. Bunun əsas səbəbi maddiyyatın artıq ailələrdə də önə keçməsidir. İnsanlar əvvəl mənəvi amili üstün tutaraq bir-birinə çətin məqamlarda dəstək durur, əl-ələ verib dolanırdılar. Amma indi ailələrdə də vəziyyət dəyişib. Mənəviyyat yerini maddiyyata verib, demək olar ki, çəkilib bir kənara. Maddiyyatın hakim olduğu, əsas götürüldüyü şəraitdə isə hər şeyi o diktə edir. Bu mənəvi aşınma insanları istənilən pis hərəkətləri törətməkdən çəkindirmir.
Tutaq ki, əvvəl ər öz arvadına küçədə bir sillə vurmağı belə yaraşdırmırdısa, indi bunu küçədə, hamının gözü qarşısında çəkinmədən edir.
Sabah ailədə münaqişə zamanı tutub uzun illər bir yastığa baş qoyan arvadının başını kəsir. Bu xəbəri telekanallar baş xəbər edir. Beləcə, insanlarda qətl hadisələrinə reaksiya adi hal alır. Qətl hadisəsini adi qarşılayırıq, heç bir reaksiya, ictimai qınaq baş vermir. İnsanlar bu xəbəri eşidə-eşidə vəhşiləşir.
Hər gün televiziyada qan, cinayət, qətl xəbəri görən insanlar bunun adi qarşılandığını görərək bu cür hadisələri ictimai yerlərdə belə çəkinmədən törədirlər. Odur ki, bu hadisələr sosial qurumlar üçün ciddi siqnal olmalı, aidiyyəti qurumlar böyüyün, kiçiyin gözü qarşısında baş verən qətllərə biganə münasibət sərgiləməməlidir".
A.Kamranqızı onu da əlavə etdi ki, cinayətləri törədən şəxslərin əksəriyyəti psixoloji problemləri olan insanlardır: "Ağır cinayəti törədənlər psixopatdır. Psixopatlar nə özləri yaşayır, nə də başqasını yaşamağa qoyur".

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...