Bir neçə günlük körpəni küçəyə atanların hüquqi cəzası...

Tarix: 10.04.2015 / 02:29
Bölmə: Sosial

Ailə, Qadın və Uşaq Problemləri üzrə Dövlət Komitəsi - Taliyə İbrahimova: "Körpələrini küçəyə atan valideynlərə qarşı cəzalar daha da sərtləşdirilməlidir"

"Valideyn uşağını küçəyə atırsa, o, körpənin həyatını təhlükə altında qoyur, buna görə də valideyn cinayət məsuliyyəti daşıyır"

Son vaxtlar yeni doğulan uşaqların küçəyə, zibilliklərə və s. yerlərə atılması hallarının şahidi oluruq. Aprel ayı ərzində iki dəfə belə xoşagəlməz hal yaşanıb. Aprelin əvvəlində Səbail rayonu "20-ci sahə" adlanan ərazidə kirayədə yaşayan Gülnarə Əzimova övladını dünyaya gətirdikdən sonra onu öldürərək zibil qutusuna atıb.
Rayon Polis İdarəsinin yaydığı məlumata görə, G.Əzimova imkanı olmadığı üçün yeni doğulmuş övladını basdıra bilmədiyini deyib.
Növbəti tükürpədici hadisə isə aprelin 7-də qeydə alınıb. Suraxanı rayonunun Yeni Günəşli qəsəbəsi, "D" yaşayış sahəsi, ev 11-in girişində karton qutunun içərisində 1 həftəlik oğlan uşağı tapılıb. Körpə Ə.Qarayev adına 1 saylı Doğum Evinə təhvil verilib. Məlumata görə, uşaq hazırda reanimasiya şöbəsində həkim nəzarəti altındadır. Həkimlərin dediyinə görə, yeni doğulan körpə aprelin 7-si, saat 00:00 radələrində xəstəxanaya ağır vəziyyətdə daxil olub. Hazırda onun vəziyyəti normallaşır. Bundan əlavə, körpədə hansısa xəstəliyin olub-olmaması həkimlər tərəfindən araşdırılır. Xəstəxananın reanimasiya şöbəsinin müdiri Akif Quliyev mətbuata açıqlamasında deyib ki, körpənin hələ göbəyi belə düşməyib. Yəni körpə iki gün bundan öncə kortəbii şəkildə dünyaya gəlib.
Yeni doğulan uşağın küçəyə və ya hansısa qutunun içinə qoyulub atıldığını eşidən zaman insan dəhşətə gəlir. Necə ola bilər axı, insan dünyaya gətirdiyi öz doğma balasını qışın soyuğunda küçəyə atır?
Qeyd edək ki, bəzi ölkələrdə arzuolunmaz körpələrin küçələrə atılmasının qarşısını almaq üçün xüsusi məntəqələr fəaliyyət göstərir. Valideyn övladını bura gətirib təhvil verir və onun anonimliyi qorunur. Nəticədə küçədə uşaqların zədələnməsinin, şaxtalı havalarda donmasının, bir sözlə, o ölkənin balaca vətəndaşına xələl gəlməsinin qarşısı alınır.
Bəs bunun qanunla tənzimlənməsi, yaxud qeyd etdiyimiz kimi, xüsusi yerlərin yaradılması istiqamətində hər hansı addım atıla bilərmi?
Ümumiyyətlə, yeni doğulan uşağı küçəyə atan valideynə qarşı hansı cəzalar tətbiq olunmalıdır?
Ailə, Qadın və Uşaq Problemləri üzrə Dövlət Komitəsinin hüquqi-təminat şöbəsinin rəhbəri Taliyə İbrahimova "Bakı-Xəbər"ə açıqlamasında qeyd etdi ki, atılmış uşaq dedikdə valideyni məlum olmayan körpə nəzərdə tutulur: "Bu cür uşaqları aşkar etdikdə ilk öncə onlar ilkin qeydiyyata götürülür. Daha sonra isə mərkəzləşdirilmiş qeydiyyata götürülür. Komitə tərəfindən bu cür uşaqlar ümumi qeydiyyata götürülür".
T.İbrahimova uşaqları tərk edən valideynlərə gəlincə, bildirdi ki, bəzi valideynlərin məsuliyyətsizliyi nəticəsində həmin uşaqlar baxımsız həyat sürür: "Valideynlik vəzifəsinin yerinə yetirilməməsi valideyn üçün məsuliyyət yaradır. Valideyn uşağını küçəyə atırsa, o, körpənin həyatını təhlükə altında qoyur. Buna görə də valideyn cinayət məsuliyyəti daşıyır. Hər bir atılmış uşaqla bağlı cinayət işi açılmalıdır. Həmin valideynlərin nə səbəbdən bu addımı atması dəqiqliklə araşdırılmalıdır. Komitə bu sahə ilə bağlı qanunvericiliyin təkmilləşdirilməsi təklifi ilə çıxış edib. İnzibati Xətalar Məcəlləsində valideynlik vəzifələrinin icra edilməməsi ilə bağlı məsuliyyət müəyyən edilib. Komitə həmin məsuliyyətin bir qədər də sərtləşdirilməsini təklif edir".
Həmsöhbətimizin sözlərinə görə, atılmış uşaqlar üçün yaradılan dəstək mərkəzlərinin sayı artırılmalıdır.

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...