Azərbaycanın 2017-ci ildə IV İslam Həmrəyliyi Oyunlarına ev sahibliyi etməsinə geniş reaksiyalar var

Tarix: 09.04.2015 / 03:33
Bölmə: Sosial

Elçin Cəfərov: "Bu yarışın əhəmiyyəti həm də ona görə böyükdür ki..."

Nəriman Sadıxoğlu: "Boksçularımızın bu yarışda iştirakını çoxdan arzulayırdıq"

Uzun illərdir Azərbaycan bölgədə bütün sahələrdə liderlik edir. Bildiyimiz kimi, ölkəmiz artıq idman sahəsində də nüfuzlu, sayılan dövlətlərdən biri kimi özünü tanıda bilib. Respublikamızın beynəlxalq aləmdə artan nüfuzu, çəkisi onun dünyanın aparıcı dövlətlərin əsas tərəfdaşından birinə çevirib. Sirr deyil ki, Azərbaycanda idman inkişaf edir, özünün inkişaf səviyyəsinə görə müqayisəyə gəlməzdir.
Uzun illərdir Azərbaycan idmançıları Olimpiya oyunlarına, Avropada keçirilən müxtəlif idman yarışlarına qatılır, uğurlar, medallar əldə edir, bir sözlə, beynəlxalq idman aləmində layiqincə təmsil olunur.
Bilirik ki, bu il respublikamız beynəlxalq səviyyəli bir yarışa-I Avropa Oyunlarına ev sahibliyi edəcək. Azərbaycanın ev sahibliyi edəcəyi bu yarışa artıq çox ciddi hazırlıq gedir, Azərbaycan dövləti I Avropa Oyunlarının yüksək səviyyədə keçirilməsini təmin etmək üçün bütün tədbirləri həyata keçirir. Bu yarışın ölkəmizdə uğurla keçəcəyinə ümid edirik.
Azərbaycan daha bir beynəlxalq idman yarışının ölkəmizdə keçirilməsinə nail olub. Bildiyimiz kimi, aprelin 7-də
IV İslam Həmrəyliyi Oyunlarına 2017-ci ildə Azərbaycanın ev sahibliyi etməsi ilə bağlı İslam Həmrəyliyi İdman Federasiyası (İHİF) ilə müqavilə imzalanıb.
Bu müqavilənin əhəmiyyəti yüksək qiymətləndirilir və hesab edirik ki, 2017-ci ildə Azərbaycanı dünya bir daha tanıyıb təqdir edəcək. Müqavilənin imzalanma mərasimində çıxış edən Azərbaycan Milli Olimpiya Komitəsinin (MOK) vitse-prezidenti Çingiz Hüseynzadə bildirib ki, İHİF-in nümayəndələri ölkəmizdə yaradılan idman infrastrukturu ilə yaxından tanış olub və bəyəniblər: "Bakı-2015"-ilk Avropa Oyunlarının təşkil olunacağı obyektlərdəki şərait qonaqlarda xoş təəssürat yaradıb. Azərbaycan idmançıları "Bakı-2017"ni ciddi sınaq kimi qəbul edir və həmin Oyunlarda yüksək nəticələr üçün mübarizə aparacaqlar".
İHİF-in prezidenti, Səudiyyə Ərəbistanının gənclər və idman naziri, Səudiyyə Ərəbistanının Olimpiya Komitəsinin prezidenti, əlahəzrət, Şahzadə Abdullah Bin Mosaad Bin Abdulaziz Al Saud Azərbaycanda idmana göstərilən dövlət qayğısını yüksək qiymətləndirərək qeyd edib ki, Azərbaycan hökumətinin İslam Həmrəyliyi Oyunlarını təşkil etməyə maraq göstərməsi çox sevindiricidir":IV İslam Həmrəyliyi Oyunları 2017-ci ilin ən böyük idman hadisəsi olacaq. Biz güclü əməkdaşlıq və işbirliyi sayəsində Oyunları uğurla təşkil edəcəyik və azarkeşlər bu yarışlardan böyük zövq alacaqlar".
İslam Həmrəyliyi Oyunlarının təşkilinin islam dəyərlərinin yayılmasına, qardaşlıq və birliyin əks olunmasına öz töhfələrini verəcəyini bildirən İHİF-in prezidenti yarışın yüksək səviyyədə keçirilməsi üçün birgə əməkdaşlığın vacibliyini qeyd edib.
Azərbaycanda irimiqyaslı tədbirlərin müvəffəqiyyətlə təşkil edildiyini vurğulayan gənclər və idman naziri Azad Rəhimov bildirib ki, Azərbaycan islam dünyasının hər zaman diqqət mərkəzində olan bir məkandır: "Bakı 2009-cu ildə islam mədəniyyətinin paytaxtı seçilib, 2018-ci ildə isə bu missiya Naxçıvana həvalə olunacaq. Hazırda ölkəmiz "Bakı-2015"-ilk Avropa Oyunlarının keçirilməsinə hazırlaşır. Həmçinin cari ildə ölkəmizdə şahmat üzrə dünya kuboku, gələn il şahmat üzrə Olimpiada, "Formula-1" üzrə Avropa Qran-pri yarışları və 2017-ci ildə IV İslam Həmrəyliyi Oyunları təşkil olunacaq. Biz bu yarışların təşkil olunması istiqamətində bütün imkanlarımızdan istifadə edəcəyik ki, turnirlər yüksək səviyyədə keçirilsin".
Onu da qeyd edək ki, IV İslam Həmrəyliyi Oyunları 2017-ci ildə mayda-Ramazan ayından əvvəl təşkil olunacaq. Yarışın proqramına 19-20 idman növü daxil ediləcək ki, bunlar da "Bakı-2015"-ilk Avropa Oyunlarının proqramı ilə qismən də olsa üst-üstə düşəcək.
A.Rəhimov "Bakı-Xəbər"ə bildirdi ki, Azərbaycanın ev sahibliyi etdiyi bu Oyunda Azərbaycanı da xeyli sayda idmançı təmsil edəcək və burada idman növlərinə məhdudiyyət qoyulmayacaq. Nazir dedi ki, elə idman növləri var ki, indiyə qədər bu Oyunda iştirak etməyib, amma bu dəfə bütün idman növlərinə yer ayrılacaq.
Xatırladaq ki, 2013-cü il iyulun 23-24-də Səudiyyə Ərəbistanının Ciddə şəhərində İHİF-in səkkizinci hesabat-seçki Baş Assambleyası çərçivəsində Federasiyaya üzv olan Milli Olimpiya komitələri 2017-ci ildə IV İslam Həmrəyliyi Oyunlarına ev sahibliyi etmək üçün Azərbaycanın namizədliyinə səs veriblər. Tam səs çoxluğu ilə ölkəmizin 2017-ci ildə IV İslam Həmrəyliyi Oyunlarına ev sahibliyi etməsi barədə qərar qəbul edilib. Əlli yeddi ölkəni təmsil edən idmançıların qatılacağı yarışın əsas şüarı "Həmrəylik bizim gücümüzdür" seçilib. 2013-cü il sentyabrın 22-dən oktyabrın 2-dək İndoneziyanın Palembank şəhərində keçirilmiş III İslam Həmrəyliyi Oyunlarının açılış mərasimi zamanı İHİF-in bayrağı Azərbaycana verilib.
Məlum olduğu kimi, Azərbaycan Prezidenti İlham Əliyevin 2012-ci il 4 iyun tarixli Sərəncamı ilə 2017-ci ildə IV İslam Həmrəyliyi Oyunlarının keçirilməsi üçün Bakı şəhərinin namizədliyinin irəli sürülməsi ilə bağlı Təşkilat Komitəsi yaradılıb.
IV İslam Həmrəyliyi Oyunlarına Azərbaycanın ev sahibliyi etməsi ilə bağlı müqavilənin imzalanması ölkənin idman həyatında böyük sevinclə qarşılanıb. Bu yarışın 2017-ci ildə ölkəmizdə keçirilməsini yüksək dəyərləndirən idman ictimaiyyəti hesab edir ki, Azərbaycan bu yarışda da böyük nəticələr əldə edəcək.
Azərbaycan Güləş Federasiyasının vitse-prezidenti Elçin Cəfərov "Bakı-Xəbər"ə bildirdi ki, IV İslam Həmrəyliyi Oyunlarının Bakıda keçirilməsini müsbət qarşılayır":Belə bir nüfuzlu yarışa Azərbaycanın ev sahibliyi etməsini çox müsbət qarşılayıram. Bunu yüksək qiymətləndirirəm. Bilirsiz ki, İslam Həmrəyliyi Oyunları neçə illərdir keçirilir və Azərbaycan da böyük uğurla burada iştirak edir. Azərbaycan islam ölkəsidir və Azərbaycan əhalisinin böyük hissəsi islam dininə tapınır. Hesab edirəm ki, 2017-ci ildə baş tutacaq bu oyun ölkəmizdə çox yüksək səviyyədə keçiriləcək. Azərbaycanda bu oyunun keçirilməsi üçün imkanlar böyükdür. Bu yarışın əhəmiyyəti həm də ona görə böyükdür ki, bu, islam həmrəyliyinin, islam dostluğunun, bu dinə tapınanların birliyinin, bərabərliyinin təcəssümüdür, göstəricisidir. Bilirik ki, dünyada dövlətləri, xalqları idmana və mədəniyyətə görə daha yaxşı tanıyırlar. Ən böyük dostluq körpüsü bu sahələrdir".
E.Cəfərovun sözlərinə görə, indiyə qədər İslam Həmrəyliyi Oyunlarına güləş salınmayıb, amma o, ümid edir ki, bu dəfə güləş də yarışmada təmsil olunacaq":Çox arzu edirik ki, IV İslam Həmrəyliyi Oyunlarında güləşçilərimiz də iştirak etsin. Ümid edirik ki, iştirak edəcəklər. Bilirsiz ki, Azərbaycan idmançıları təkbətək döyüş növlərinə görə dünyada tanınır, bu sahədə idmançılarımızın nailiyyətləri böyükdür. Bu yarışda da cüdoçularımızın, güləşçilərimizin, boksçularımızın iştirak edəcəklərinə ümid bəsləyirik. İnanırıq ki, iştirak edəcəklər".
Boks üzrə Azərbaycan milli yığmasının böyük məşqçisi Nəriman Sadıxoğlu da (Abdullayev) qəzetmizə açıqlamasında IV İslam Həmrəyliyi Oyunlarının Azərbaycanda keçirilməsinin böyük əhəmiyyətini qeyd etdi":Bu sahədə müqavilə imzalanıb, artıq məlum olduğu kimi 2017-ci ildə IV İslam Həmrəyliyi Oyunlarına biz ev sahibliyi edəcəyik. Boksçularımızın bu yarışda iştirakını çoxdan arzulayırdıq. İndiyə qədər boks bu yarışa salınmamışdı. Əsas məqsədimiz bu Oyunlarda iştirak etmək və uğur, nailiyyət əldə etməkdir. Hesab edirəm ki, uğurlu nəticələrimiz olacaq".

DİGƏR XƏBƏRLƏR

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...