Psixoloq və psixiatr problemi...

Tarix: 09.04.2015 / 02:35
Bölmə: Sosial

Adil Qeybulla: "Elə rayonumuz var ki, orada psixiatr yoxdur, nevropatoloq onun vəzifəsini icra edir"

"Azərbaycan Tibb Universitetində ixtisas seçimi zamanı çox az tələbə psixiatr olmaq istəyir"

Bu gün ölkədə fəaliyyət göstərən psixoloqların sayı psixiatrların sayından qat-qat üstündür. Hər bir sahə üzrə mütəxəssislərə ehtiyac duyulduğu kimi, psixiatrlara da böyük ehtiyac var. Lakin bu sahədə yaşanan boşluq vəziyyəti pisləşdirir.
Parlamentin ötən iclasında çıxış edən Azərbaycanın baş psixiatrı, ATU-nun psixiatriya kafedrasının müdiri Gəray Gərayzadə də deyib ki, bir çox ölkədə olduğu kimi, Azərbaycanda da psixiatrların sayı elə də çox deyil: "Yalnız son illər rezidentura yolu ilə təhsil alan tələbələr bu sahəyə maraq göstərirlər. Lakin bizə daha çox reabilitoloq, loqopevtlər, sosial işçilər və pedaqoqlar lazımdır. Cəmiyyətimizdə xəstəlik barədə maarifləndirmə tədbirləri daha çox aparılmalıdır".
Professor, həkim-ekspert Adil Qeybulla bizimlə söhbətində bildirdi ki, Azərbaycan Tibb Universitetində ixtisas seçimi zamanı çox az tələbə psixiatr olmaq istəyir.
Onların sayı barmaqla göstəriləcək qədər az olduğu üçün Səhiyyə Nazirliyi bu sahədə bəzi tədbirlər görməli olub: "Belə ki, nazirlik psixiatr çatışmazlığını aradan qaldırmaq üçün bu sahəni seçən tələbələri rezidenturadan azad etdi. 2001-ci ildə qəbul edilmiş "Psixiatriyaya yardım haqqında" Qanuna 2011-ci ildə edilmiş əlavə və dəyişikliyə görə, ikipilləli təhsil sistemindən keçərək tibb işçisi adına sahiblənən məzunlar psixiatriyanı seçərsə, onlardan rezidentura təhsili tələb olunmur. Amma bu məzunlar müvafiq kurslardan keçməlidir. Universitetin hər məzunu psixiatrlıq üçün iddia edə bilməz. Əvvəla ona görə ki, bu peşə tibbin digər sahələrindən çox fərqlidir, burda tibbi cihazlardan, konspektlərdən, tibbi ədəbiyyatdan, ensiklopediyalardan istifadə etməklə həkim ola bilməzsən.
Çünki xəstə ilə üzbəüz danışanda onun sözlərinə, müraciətinə, hər hansı bir iradına yerindəcə sağlam cavab verməli, məsləhətlərini dilə gətirməlisən. Hazırlıqsız psixiatr bunu bacarmır. İkincisi, əsəblər möhkəm olmalıdır. Dəmir iradəli olmaq pasiyentə daha çox kömək etmək deməkdir. Yox, əgər hər pasiyentlə söhbətdən sonra antistress, antidepressiv dərman qəbul edirsənsə, səndən psixiatr çıxmaz. Ölkədə psixiatr çatışmazlığı ilə bağlı deyilənlər doğrudur. Bütün dünyada vəziyyət belədir, amma indi ağır psixozların çox olduğu, yüngül depressiyaların ən ağır psixi xəstəliklərə səbəb olduğu dövrdə yaşayırıq. Ona görə də psixiatrlara ehtiyac böyükdür.
Həm paytaxtda, həm də rayonlarda psixiatr çatışmazlığı var. Elə rayonumuz var ki, orada psixiatr yoxdur, nevropatoloq onun vəzifəsini icra edir.
"Psixiatriyaya yardım haqqında" Qanuna 2011-ci ildə edilmiş dəyişikliyə görə, indi bəzi tibb işçiləri yüngül diaqnozlu psixi xəstələrə yardım göstərə bilər.
Bunun üçün onların lazımi savadı var. İndi terapevt, ailə həkimi, sahə həkiminə də icazə verilib ki, ilkin, yüngül psixi pozuntuları müalicə etsinlər".

DİGƏR XƏBƏRLƏR

Tarix: 12.07.2026 / 12:03

Hacıqabulda avtobus aşdı, 30-dan çox sərnişin yaralandı...

Tarix: 11.07.2026 / 19:45

"Soyqırım və deportasiya qurbanlarına dəstək" adlı layihənin icrası davam edir

Tarix: 11.07.2026 / 19:03

Yazıçı-publisist Aydın Tağıyevin kitabının təqdimatı olub - FOTO

Tarix: 11.07.2026 / 09:44

Vətənə və xalqa xidmət edən ömür Doğum gününüz mübarək, hörmətli Rasim Məmmədov!

Tarix: 10.07.2026 / 19:55

Ermənilərin məhkəməsi çıxışlarla davam etdirilib FOTO

Tarix: 10.07.2026 / 18:40

Xaricdə təhsil şirkətləri ilə bağlı vətəndaşlara xəbərdarlıq edildi... - "özünü "təhsil ekspertləri" kimi təqdim edənlər..."

Tarix: 10.07.2026 / 17:35

Nazir Vilayət Eyvazovun göstərdiyi rəqəmlərlə bağlı müzakirə başladı - necə və hansı üsullarla?...

Tarix: 10.07.2026 / 17:19

Professor Məhərrəm Zülfüqarlının “ Atillanın yeni sərgüzəştləri” kitabı nəşr olundu - FOTO

Tarix: 10.07.2026 / 15:58

“XXI Əsrin Qadınları” İctimai Birliyinin layihəsinin yekun tədbiri Ağsuda keçirilib

Tarix: 10.07.2026 / 15:41

Marketlər yerli istehsalçılardan 100 min manat istəyir? – Deputatdan iddia...

Tarix: 10.07.2026 / 15:27

Ölkədə qulaqdibi xəstəliyinin artması iddiaları ilə bağlı rəsmi açıqlama...

Tarix: 10.07.2026 / 14:34

Kəlbəcərdə mina partladı...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 09.07.2026 / 21:52

İrandan Trampa “İrəvan mesajı” - sülh olmasa, TRIPP marşrutuna dözmərik...

Tarix: 09.07.2026 / 19:38

Vətəndaşın məmurlarla birbaşa ünsiyyətində sıfır hədd - rəqəmsallaşma dövrünün hədəfi...

Tarix: 09.07.2026 / 18:51

Çin və ABŞ-ın mübarizə apardığı Gürcüstan limanında Azərbaycan həlledici söz sahibinə çevrilir...

Diasporumuza Rusiyada problemlər yaradılandan sonra Avropa, Amerika istiqamətində fəallıq başladı...