Azərbaycanda övladlığa uşaq götürmək xüsusi çətinlikləri olan bir proses imiş...

Tarix: 08.04.2015 / 01:22
Bölmə: Sosial

Kəmalə Ağazadə: "Övladlığa götürmə qaydaları çox çətindir və bu belə olmalıdır"
"Ailələr böyük yaşda olan uşaqları istəmir"
Uşaq dünyaya gətirə bilməyən vətəndaşların övlad sahibi olmaq arzusu bir sıra hallarda elə arzu olaraq qalır. Çünki bununla bağlı prosedur çox mürəkkəbdir. Bu səbəbdən ölkədə övladlığa götürülən uşaqların sayında azalma müşahidə edilir. Zatən bu sahədə ciddi problemlərin olması üzündən övladlığa götürmə azdır.
Ötən il övladlığa verilən uşaqların ümumi statistikası açıqlanmasa da, Təhsil Nazirliyi 2014-cü ilin ilk yarım ilində 8-18 yaşarası cəmi 5 uşağın övladlığa verilməsilə bağlı məlumat yayıb. Bunun başlıca səbəbi uşaqların övladlığa verilmə prosesinin uzun zaman və xərc tələb etməsilə əlaqədardır. Digər tərəfdən, bir çox hallarda övladlığa uşaq götürmək istəyən valideynlər prosedurlarla tanış olmurlar. Bəzən aylarla çəkən prosedurlar onları yorur. Vəziyyət bəzən o həddə gəlib çatır ki, valideynlər uşaq götürmək istəmir. Çünki proses o qədər uzanır, o qədər onlar get-gələ salınır ki, valideynlər bir növ prosesdən uzaqlaşır.
Valideynlərin prosesdən uzaqlaşması isə dövlətə heç də xeyir gətirmir. Çünki hər bir uşağın dövlət uşaq müəssisəsində qalması ölkəyə müəyyən maddi xərclər hesabına başa gəlir. Uşaqların ailə mühitindən kənarda böyüməsi isə həm də beynəlxalq konvensiya ilə müəyyən edilən uşaq hüquqlarının pozulmasına gətirib çıxarır. Ən pisi odur ki, xaricilər bizim vətəndaşları övladlığa götürərkən o qədər çətinliklə üzləşmədiyi halda, yerli vətəndaşlar olmazın əziyyət çəkir. Halbuki, Prezident İlham Əliyevin sərəncamına əsasən, 2006-2015-ci illəri əhatə edən dövlət uşaq müəssisələrindən uşaqların ailələrə verilməsi və alternativ qayğı Dövlət Proqramı var. Bu sahədər prosedurların sadələşdirilməsi ciddi dönüş yarada bilər.
Sözügedən məsələni dəyərləndirən Azərbaycan Uşaqlar Birliyinin sədri Kəmalə Ağazadənin fikrincə, bu gün növbədə övladlığa uşaq götürmək istəyən yüzlərlə insan var: "Sadəcə olaraq, övladlığa götürmə qaydaların çox çətindir və bu belə olmalıdır. Azərbaycan elə böyük bir ölkə deyil ki, burada övladlığa uşaq götürmək istəyən hər kəsə bir-iki il ərzində uşaq tapılsın. Azərbaycanda övladlığa uşaq götürmək istəyən valideynlər üçün uşağın yaşı, cinsi, sağlamlığı məsələsi hər zaman öndə durur. Övladı olmayan hər bir valideyn yeni doğulan uşaq istəyir. Uşağın heç bir yaxın qohumunun olmamasını şərt qoyur. Uşağın cinsi ilə bağlı şərt qoyur. Bu şərtlərə cavab verən uşaqlar olduqca azdır. Ölkədə il ərzində bəlkə də 50-60 nəfərdən artıq yeni doğulan atılmış uşaq olmur, ancaq növbədə duran minlərlə insan var. Bildiyim qədər həm Səhiyyə Nazirliyində, həm Təhsil Nazirliyində övladlığa uşaq götürmək üçün minlərlə insan növbədədir. Ən çox da Səhiyyə Nazirliyində bir yaşdan üç yaşa qədər uşaqları götürmək istəyənlərin sayı olduqca çoxdur.
Önəmli olan uşağı bələkdə olarkən götürmək deyil, önəmli olan onu düzgün tərbiyə etməkdir. Bu gün Azərbaycanda bu istiqamətdə olan problemlər çoxdur. Ailələr böyük yaşda olan uşaqları istəmir".

DİGƏR XƏBƏRLƏR

Tarix: 02.10.2026 / 11:26

Azərbaycanlı hüquqşünas Portoda keçirilən Dünya Bioetika Konqresində ölkəmizin transplantasiya təcrübəsini təqdim edib

Tarix: 01.10.2026 / 23:12

Yağıya “can” demə... düşmənə əyilmə... Dilican dərəsi...

Tarix: 01.10.2026 / 22:38

Dissertasiyaların rus dilində yazılmasının yaratdığı problemlər

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:23

Hərbi hissəni özbaşına tərk etmiş Azərbaycan hərbçisi Ermənistan ərazisində saxlanılıb

Tarix: 01.10.2026 / 16:19

Nazir Vilayət Eyvazov MDB-nin DİN Şurasının iclasında iştirak edib - FOTO

Tarix: 01.10.2026 / 15:39

Əbədiyyət günəşinə dönən Vətən sevdalıları...

Tarix: 01.10.2026 / 14:56

“Universitetdən çıxarılmağımın qarşısını Mir Cəlal Paşayev aldı” – Nizami Təhməzov

Tarix: 01.10.2026 / 11:00

Kürdəmirdə toyda zəhərlənənlərin sayı 91-ə çatdı - AQTA araşdırmalara başladı...

Tarix: 01.10.2026 / 00:25

Kürdəmirdə toyda kütləvi zəhərlənmə - 30 nəfər xəstəxanaya müraciət etdi...

Tarix: 30.09.2026 / 21:47

Kolleclərə qəbul planı da, tələbə marağı da azalıb...

VİDEO

Tarix: 27.11.2025 / 11:10

Biri ermənini öpür, biri sovet bayrağı qaldırır... Günümüzə baxın! - VİDEO

Tarix: 12.11.2025 / 11:05

Lavrov işdən kənarlaşdırılır, yoxsa oyun qurulur? - VİDEO

Tarix: 21.06.2025 / 08:15

Dünyada xaos böyüyür, Azərbaycana təhlükə də artır... - VİDEO

Tarix: 01.10.2026 / 21:35

Azərbaycanın dövlət qulluğunda “ikili vətəndaşlıq” problemi yarana bilər...

Tarix: 01.10.2026 / 19:34

Ali Məhkəmə hüquqşünas olmayan gənclərlə bağlı mühüm layihənin sonuna yetişir...

Tarix: 01.10.2026 / 19:18

Rusiya Ermənistanı “qaz rıçağı" ilə inqilaba sürükləyir...

Dağ-mədən sənayesində yeni mərhələ - “Böyük Qayıdış”ın məşğulluq perspektivləri...