05/06/2020 06:49
728 x 90

Koronavirusun yeni yayılma mənbələri üzə çıxır – küçə-baca atılmış maska və əlcəklərlə doludur

Sənan Aşirov: “İstifadə olunmuş maska və əlcəyi yerə atan şəxs cəzalandırılmalıdır”

img

Avropada, xüsusən İtaliya və İspaniyada yoluxma halları və ölüm faktları artan xətt üzrə inkişaf edəndə bu qitənin bir çox ölkəsində nisbi sakitlik hökm sürürdü. İndi isə koronavirus Avropanın çoxlu sayda ölkəsində tüğyan edir. Avropa ilə müqayisədə ABŞ-da yayılma və ölüm halları gec başlasa da, indi bu ölkə az qala koronavirus pandemiyasının əsarəti altındadır.

Azərbaycana gəlincə, bu virusa ilk yoluxma halı fevral ayının sonunda aşkarlansa da, xeyli müddət birrəqəmli artım sayı ilə müşayiət olunan vəziyyət son dövrlərdə ikirəqəmliyə keçib.

Məlumdur ki, koronavirus pandemiyası yayılandan bu yana həm dünyada, həm də ölkəmizdə vətəndaşlara maska, əlcək və digər tibbi vasitələrin istifadəsi zərurəti yarandı.

Ölkədə karantin rejimi elan edildiyi bir vaxtda maska və digər tibbi vasitələrə tələbatın çox olmasına baxmayaraq, küçələrdə yerə atılmış maska və əlcəklərə rast gəlmək mümkündür. Belə tullantıların artması ölkədə həm gigiyenik pozuntuya, həm də koronavirusun daha da yayılmasına şərait yaradır.

  • “Parça maskalarda virus 9 saat, metal səthlərdə isə 12 saat ərzində yaşaya bilir, bu cür materialların küçəyə atılması Bakı kimi küləkli şəhərdə xüsusi təhlükəlidir”

Məsələ ilə bağlı fikir bildirən tibb üzrə ekspert Sənan Aşirov qeyd etdi ki, istifadə olunmuş maska, əlcək və salfetləri selofan torbaya qoyub saxlamaq və qısa müddətdə zibil qutusuna atmaq lazımdır: “İstifadə olunub atılan tibbi vasitələrin hansının virus daşıyıb-daşımadığını bilə bilmərik. Parça maskalarda virus 9 saat, metal səthlərdə isə 12 saat ərzində yaşaya bilir. Bu cür materialların küçəyə atılması Bakı kimi küləkli şəhərdə xüsusi təhlükəlidir. Əgər həmin tullantılarda virus varsa, bu, külək vasitəsilə də ətrafa yayıla bilər və insanlara nəfəs yolu ilə yoluxar. Ümumiyyətlə, belə şəxslərlə bağlı cərimələr tətbiq olunmalıdır. Təhlükəsizlik tədbirləri sərtləşdikcə, həmin şəxslərlə də bağlı ölçü götürüləcək”.

Həmsöhbətimiz onu da əlavə etdi ki, respiratorlar cəmi bir dəfə istifadə olunubsa, onu mütləq günəş şüaları altında və ya evin girişində saxlamaq lazımdır. Maskalar isə yanlarından açılıb bir yerdən asılmalıdır.

Günel CƏLİLOVA

Son xəbərlər