02/06/2020 04:34
728 x 90

Azərbaycanda öz böyük səmərəsini verən koronavirusa qarşı qabaqlayıcı tədbirlərin mahiyyəti və rolu...

Vüqar Rəhimzadə: “Ölkəmizdə görülən qabaqlayıcı tədbirlər kompleks xarakterli olduğu üçün daha səmərəli nəticələrin əldə olunmasına gətirib çıxarıb”

img

“Azərbaycanda bu günə qədər görülmüş bütün qabaqlayıcı tədbirlər öz səmərəsini verdi”. Bunu Prezident İlham Əliyev Sumqayıt Kimya Sənaye Parkında “Bakı Tekstil Fabriki” MMC tərəfindən yaradılan tibbi maska istehsalı müəssisəsi ilə tanışlıqdan sonra Azərbaycan xalqına müraciətində deyib.

Dövlət başçısı bildirib ki, qabaqlayıcı tədbirlərin görülməsi nəticəsində Azərbaycanda hazırda koronavirus xəstəliyinin yayılması geniş vüsət almayıb: “Dünyanın inkişaf etmiş ölkələrində gündə yüzlərlə insan vəfat edir və heç bir ölkənin səhiyyə sistemi bu artan xəstələrin müalicəsini tam təşkil edə bilmir. Bu bizim üçün də bir dərs olmalıdır. Ona görə Azərbaycanda qabaqlayıcı tədbirlərin görülməsi və vəziyyətə uyğun şəkildə bu addımların atılması bir məqsədi güdürdü ki, biz insanların həyatını, sağlamlığını qoruyaq və bu xəstəliyin Azərbaycanda geniş vüsət almasına imkan verməyək. Bu günə qədər görülmüş bütün tədbirlər öz səmərəsini verdi. Bircə onu demək kifayətdir ki, Azərbaycanda bu günə qədər 45 min test keçirilib. İndi müxtəlif internet resurslarında bütün ölkələrdə həm xəstələrin sayı, həm ölüm hallarının sayı, eyni zamanda, keçirilmiş testlərin sayı göstərilir. Hər bir insan o saytlara girib baxa bilər, Azərbaycan dünyada aparıcı ölkələrdəndir ki, bu qədər test keçirib. Bu bizə imkan verdi ki, xəstəliyi müəyyən edək, xəstə insanlara operativ tibbi xidmət göstərək və eyni zamanda, özümüzü böyük bəladan qoruya bilək. Bu günə qədər biz buna müvəffəq olmuşuq. Eyni zamanda, operativ tədbirlərin görülməsi və vəziyyətə uyğun addımların atılması öz səmərəsini göstərmişdir”.

Maraqlıdır, bəs ekspertlər bu sahədə vəziyyəti necə dəyərləndirirlər? Ölkədə koronavirusa qarşı qabaqlayıcı tədbirlərin mahiyyətini və rolunu necə izah edirlər?

  • “Sistemli tədbirlər sayəsində virusun geniş yayılması önləndi”

Sözügedən məsələ ilə bağlı fikirlərini “Bakı-Xəbər”lə bölüşən “İki Sahil” qəzetinin baş redaktoru Vüqar Rəhimzadənin sözlərinə görə, Azərbaycanda görülən qabaqlayıcı tədbirlər kompleks xarakterli olduğu üçün, daha səmərəli nəticələrin əldə olunmasına gətirib çıxarıb: “Məsələ ondadır ki, koronavirusun ölkədə geniş yayılmasının qarşısını almaq üçün kifayət qədər geniş tədbirlər görüldü. Məktəblərin bağlanması, daha sonra parklara girişin məhdudlaşdırılması və digər bu kimi tədbirlər virusun total sürətlə yayılma təhlükəsinin qarşısını aldı. Xaricdəki ölkə vətəndaşlarının gətirilməsi, onların karantində saxlanması da xüsusi qeyd edilməlidir. Xaricdən xüsusi avadanlıqların gətirilməsi bu baxımdan mühüm rola malikdir. Bütün bunlar Azərbaycan dövlətinin öz vətəndaşlarına necə böyük diqqət etməsinin göstəricisidir. Sözügedən qabaqlayıcı tədbirlərin müstəsna əhəmiyyəti var. Onu da qeyd edim ki, bunu heç də bütün dövlətlər yaxşı təşkil edə bilmirlər. Baxın, bu gün Avropanın bir sıra dövlətləri koronavirusla mübarizədə aciz durumdadırlar. Azərbaycanda isə sözügedən virusa yoluxanlar üçün xüsusi ixtisaslaşmış xəstəxanalar var. Qısa müddət ərzində bütün bunlara nail olmaq hər dövlətin işi deyil. Ölkəmizin uğuru həm də budur. Doğrudan da bu çox böyük işdir. Bütün bu görülən sistemli tədbirlər sayəsində virusun geniş yayılması önləndi”.

Vidadi ORDAHALLI

Son xəbərlər