02/06/2020 06:08
728 x 90

Apteklərdə maska və spirtin qiymətini süni qaldıranlara zərbə - özümüzdə maska istehsalı necə rol oynayacaq?

Fatimə Hacıbəyli: “Bir insan digərlərinin xəstəliyi üzərindən pul qazanmağı düşünürsə…”

img

“İndi əsas məsələlərdən biri də odur ki, apteklərdə və digər ticarət yerlərində süni qiymət artımı olmasın. Çünki maska qıtlığı artıq süni qiymət artımına da gətirib çıxarmışdır və bəzi hallarda maskaları altdan satırdılar”. Bunu Prezident İlham Əliyev Sumqayıt Kimya Sənaye Parkında “Bakı Tekstil Fabriki” MMC tərəfindən yaradılan tibbi maska istehsalı müəssisəsinin açılışında iştirak edərkən deyib.

Prezident qeyd edib ki, bu hallara qətiyyən yol vermək olmaz və müvafiq dövlət qurumları çox ciddi nəzarət mexanizmi tətbiq etməlidirlər: "Əgər süni qiymət artımı olarsa, bu işdə əli olan şəxslər ciddi cəzalandırılacaq. Çünki indiki pandemiya şəraitində belə addımlar xəyanət kimi qəbul ediləcək”.

Ekspertlər də hesab edirlər ki, hazırkı şəraitdə insanlara dəstək olmaq əvəzinə, onlardan gəlir əldə etmək istəyənlər cəzalandırılmalıdır.

  • “Tibbi maska qıtlığından bəzi işbazlar sui-istifadə edərək, süni qiymət artımına yol vermişdilər, lakin bu problem artıq Prezidentin qayğısı nəticəsində həll olundu”

“Vəfa” Sosial-İctimai Birliyinin rəhbəri Fatimə Hacıbəyli “Bakı-Xəbər”ə açıqlamasında qeyd etdi ki, koronavirusla əlaqədar ölkədə maska qıtlığı yaşanırdı. Vətəndaşların bu tələbatının qarşılanması üçün Bakı Tekstil Fabriki MMC-nin qısa müddətdə tibbi maskaların istehsalına başlaması çox müsbət addımdır: “Danılmaz faktdır ki, tibbi maska qıtlığından bəzi işbazlar sui-istifadə edərək, süni qiymət artımına yol vermişdilər. Lakin bu problem artıq Prezidentin qayğısı nəticəsində həll olundu. İnanıram ki, bundan sonra vətəndaşlarımızın koronavirusa qarşı tibbi maskalara olan tələbatı tam ödəniləcək.

Ölkə başçısının dediyi kimi, koronavirus pandemiyası iqtisadi və xidmət sahələrinə mənfi təsir göstərməkdədir. Prezident açılışda bir çox vacib məqama toxunub. Həm fərdi sahibkarlara dəyən ziyan, həm də tələbələrin problemləri, işsizlərə verilən müavinətlərin həcmi barədə ətraflı çıxış edib. Hesab edirəm ki, belə bir məqamda dövlət başçısının xalqa görülən işlər barədə məlumat verməsi müsbət haldır. Digər vacib məsələ belə bir vaxtda bəzi işbazların sui-istifadə hallarına yol verməsi ilə bağlıdır. Prezident bu məsələdə xəbərdarlıq edərək süni qiymət artımına yol verənlərin ciddi cəzalandırılmasını söyləyib. Hesab edirəm ki, koronavirus pandemiyası dövründə hər birimiz dövlət başçımızın yanında olmalı, ona dəstək nümayiş etdirməliyik. Bir insan digərlərinin xəstəliyi üzərindən pul qazanmağı düşünürsə, o şəxs ağır şəkildə cəzalandırılmalıdır. Ona görə də ölkə başçısı bu situasiyaya xüsusi olaraq toxundu”.

Günel CƏLİLOVA

Son xəbərlər