Törətdiyim ağır cinayətə görə çəkdiyim cəzanın bir hissəsini bağışladığı üçün Prezident İlham Əliyevə təşəkkür edirəm.
Bunu Trend-ə açıqlamasında Prezident İlham Əliyevin sərəncamı ilə əfv edilən məhbus - 1953-cü il təvəllüdlü Eyvaz Quliyev deyib.
9 il əvvəl qonşusunu qətlə yetirən və 13 il həbs cəzasına məhkum edilən E.Quliyev 8 il 10 aydan sonra əfv olunub:
"Heç kim istəməz ki, yolu cəzaçəkmə müəssisəsinə düşsün. Cəzamın bitməsinə 3 il 2 ay vaxt qalmışdı. Sevinirəm ki, dövlət başçısı bu cür humanist addım ataraq bizə azadlıq bəxş etdi. Əfv siyahısında adımın olduğunu eşidəndə, çox sevindim. 11 uşaq atasıyam, həmişə öz zəhmətimlə çörək qazanmışam".
Ümumilikdə müstəqillik dövründə Azərbaycanda 66 əfv sərəncamı imzalanıb, 11 amnistiya aktı qəbul edilib.
