23/09/2020 16:48
728 x 90

Azərbaycanda virus əleyhinə məcburi fövqəladə vəziyyətin tətbiqi üçün bütün şəraitlər yetişib...

Seyid Camal Əzimbəyli: “Virusa yoluxanların sayı artırsa, o zaman fövqəladə vəziyyətn elan olunması doğru addım olar”

img

Azərbaycanda da koronavirusa yoluxanların sayında artım müşahidə edilir. Ən son məlumata görə, ölkədə bu vuirusa yoluxanların sayı 432 nəfərə çatıb. Çoxsaylı xəbərdarlığa baxmayaraq, bir çoxu qaydalara riayət etmir. Bu da virusa yoluxanlar üzrə dinamikanı artırır. Belə olan halda, ölkədə fövqəladə halın elan olunması gündəmə gəlir.

Artıq rəsmi qurumlar da bunu istisna etmir. Nazirlər Kabineti yanında Operativ Qərargahdan bildirilib ki, zərurət yaranarsa, vəziyyətin nəzarətdən çıxma ehtimalı olarsa, Azərbaycanda fövqəladə hal elan oluna bilər. Çünki pandemiya ilə bağlı vəziyyət yaxşı deyil. Ölkədə yayılma halları var. Xüsusi karantin qərarı elan olunub, amma buna baxmayaraq, yoluxma halları sağalma sayından çoxdur. O da məlum olub ki, koronaviruslu xəstələrin sayı sürətlə artacağı təqdirdə ölkədəki xəstəxanalar müalicə üçün kifayət etməyəcək. Vətəndaşlar bütün qayda və tələblərə riayət etsələr, iki həftədən sonra koronavirusla bağlı müsbət dönüş başlaya bilər.

Onu da qeyd edək ki, karantin rejimi ilə bağlı bəzi ölkələr daha sərt tədbirlərə əl atır. Məsələn, Filippin Prezidenti Rodriqo Duterte koronavirus pandemiyası səbəbilə hökumət tərəfindən tətbiq edilən karantin zamanı etiraz edənlərə hərbi silahlardan atəş açılmasına göstəriş verib. Prezident Keson Siti şəhərində bir neçə yoxsul vətəndaşın hakimiyyətdən əhaliyə koronavirusa qarşı lazımi ərzaq, dərman və fərdi qoruyucu vasitələrin paylanmasını tələb edərək etiraz aksiyası keçirməsindən sonra belə sərəncam verib: “Polisə və orduya əmr edirəm. Həyatınıza təhlükə yaradan münaqişə və ya dava-dalaş varsa, onları törədənlərə atəş açın”.

Bütün bunların fonunda, Azərbaycanda fövqəladə vəziyyətn elan olunmasını ekspertlər necə dəyərləndirirlər?

  • “İnsanların həyatı hər şeydən önəmlidir”

Məsələyə münasibət bildirən şərqşünas Seyid Camal Əzimbəylinin fikrincə, hər şeyə hazır olmaq lazımdır: “Əvvəla Azərbaycan dövləti bütün mümkün vasitələrlə çalışır ki, bu bəla ölkəmizdə geniş yayılmasın. Bunun üçün bütün imkanları səfərbər edib. İnzibati məhdudiyyətlər tətbiq edilir, o cümlədən, təbliğat vasitələrindən geniş şəkildə istifadə edilir ki, insanlar evdən çıxmasınlar. Xaricdən ölkəyə gediş-gəliş məhdudlaşdırılıb. Ancaq buna baxmayaraq, ölkə daxilində koronavirus yayılır. Təəssüflər olsun ki, bəzi şəxslər qoyulan məhdudiyyətlərə əməl etmirlər. Bununla həm özlərinin həyatını risqə atırlar, həm də yaxınlarının. Bununla belə, dövlətin də işini çətinləşdirirlər. Həkimlərin həyatını təhlükəyə atırlar. Ona görə də hesab edirəm ki, hamı qaydalara əməl etməlidir. Əgər virusa yoluxanların sayı artırsa, o zaman fövqəladə vəziyyətin elan olunması doğru addım olar. İnsanların həyatı hər şeydən önəmlidir”.

Vidadi ORDAHALLI

Son xəbərlər