“Onlar cəmiyyətin dəstəyini itirdiklərindən get-gedə azğınlaşırlar”
Sosial şəbəkələrdə AXCP sədri Əli Kərimlinin mühafizəçisi Ruslan Əmirovun səs yazısı yayılıb. Səs yazısından belə məlum olur ki, R.Əmirov icazəsiz mitinqə az adamın gələcəyindən narahatdır və çox qəzəblidir.
Səs yazısında R. Əmirov camaatın icazəsiz mitinqə gəlməyəcəyini deyir, insanların ünvanına təhqiramiz ifadələr işlədir, camaatı "kor" adlandırır, "kül onların başına" deyir. Belə ki, o, müxalifətin növbəti etiraz aksiyasından danışarkən xalqı təhqir edib. R.Əmirov aksiyanın yeri və iştirakçıları barədə müzakirə apararkən təhqiramiz ifadələr işlədərək xalqı aşağılamaqdan çəkinməyib. R.Əmirov qarşı tərəflə icazəsiz aksiya ilə bağlı danışığı zamanı deyir: “Qardaş, icazə vermirlər, verməsinlər. Bunu tək camaat görmür ki, kül olsun kor olan camaatın başına. Camaat cəhənnəmə görsün, p...x, oğraşlar. İcazəsiz gələcəklər? Başıma dönərlər, gələrlər. Bunu tək camaat görmür ki, dünya görür”.
Artıq neçənci dəfədir bənzər hallar yaşanır. Bundan əvvəl Əli Kərimlinin yaxın adamlarından birinin - partiya funksioneri, daha konkret desək, onun müşaviri Məmməd İbrahimin sosial şəbəkələrdə növbəti səs yazısı yayılıb. Həmin səs yazısında insanların aksiyaya gəlməməsinə görə, kinayəli fadələr yer alıb: “Gələn gəlsin, qorxan qorxsun, bizim işimiz budur. Ona görə deyirəm ki, köhnədən gələn, təzədən gələn bizim bu işdə təcrübəmiz var”.
Gör vəziyyət nə həddə çatıb ki, Əli Kərimlinin ən yaxın çevrəsi Azərbaycan xalqını təhqir edir. Cəmiyyətin onların keçirmək istədiyi qanunsuz aksiyalara dəstək verməməsinə bu cür təhqiramiz ifadələrlə reaksya verirlər. Bir də, bu adamlar hakimiyyətə gəlmək istəyirlər. Indi təsəvvür edin, bu təfəkkürlü adamlar hakimiyyətə gəlsə ölkə nə günə qalar...
Məsələyə münasibət bildirən İctimai Problemlərin Tədqiqi Assosiasiyasının rəhbəri Məhərrəm Zülfüqarlının sözlərinə görə, bu radikal müxalifətin səviyyəsini, iç üzünü aydın şəkildə bir daha göstərir: “Bu onu göstərir ki, Əli Kərimlinin çevrəsində necə səviyyəsiz insanlar var. Onlar cəmiyyətin dəstəyini itirdiklərindən get-gedə azğınlaşırlar. Ona görə də, mitinqlərə marağın olmamasını həzm edə bilmirlər. Bu səbəbdən xalqı təhqir edirlər. Hansı ki, heç kəs onlara bu haqqı verməyib. Bir sözlə, bu fikirlər Əli Kərimlinin ətrafında olanların səviyyəsizliyindən irəli gəlir. Yəqin ki, Əli Kərimlinin mühafizəçisi olan Ruslan Əmirov onun yaxın qohumudur. Bütün bunlar həm də hakimiyyətə iddialı olan AXCP sədrinin ətrafının nə vəziyyətdə olduğunun göstəricisidir. Bu cür səviyyəsiz insanlardan yaxşı nəsə gözləmək təbii ki, doğru olmaz. Hesab edirəm ki, bu kimi yaşanan hallar radikal düşərgənin necə bərbad durumda olduğunu ortaya qoyur. Fikrimcə, sözügedən acınacaqlı vəziyyət AXCP daxilində daha da dərinləşəcək”.
Vidadi ORDAHALLI
