Elçin Mirzəbəyli: “Radikal müxalifətin oktyabrın 19-da paytaxtın mərkəzində keçirmək istədiyi mitinqin də uğursuzluğa düçar olmasının səbəbi onların xalqdan heç bir dəstək ala bilməməsi ilə bağlıdır”
“Bu səbəblərdən biri də radikal müxalifətin keçirdiyi icazəsiz aksiyaların uğursuzluğa düçar olcağının əvvəlcədən bəlli olmasıdır”
Məlum olduğu kimi Milli Şura oktyabrın 19-da mitinq keçirmək məqsədi ilə Bakı Şəhər İcra Hakimiyyətinə (BŞİN) müraciət etmişdi. BŞİH mitinqin oktyabrın 19-da saat 15:00-dan 17:00-dək Lökbatan qəsəbəsi, “28 May” küçəsi “Neftçi İdman Klubu”nun Qaradağ təlim - idman bazasında keçirilməsinə razılıq versə də, radikal müxalifət yenə də öz şakərinə sadiq qalaraq icazə verilən ərazidə deyil, paytaxtın “28 May” metrostansiyası ətrafında mitinq keçirməyə cəhd göstərdi. Lakin həmişə olduğu kimi bu dəfə də radikal qüvvələrin bu cəhdləri fiaskoya uğradı. Mitinq keçirilən ərazidə jurnalistlərin də fəaliyyətinə şərait yaradılmışdı. Biz də müxalifətin keçirməyə cəhd göstərdiyi mitinqi izləmək üçün həmin ərazidə olduq, baş verənləri gözümüzlə gördük. Sosial şəbəkələrdə çağırışlar edən, burada daha çox insanın iştirak edəcəyini vəd edən radikal qüvvələrin mitinqinə isə tək-tük adam gəlmişdi. Əslində, mitinqçilər metrodan çıxan, ərazidə yaşayan sakinləri də mitinq iştirakçısı kimi təqdim etməyə cəhd göstərirdilər. Lakin gördüyümüz kimi o insanların mitinqə heç bir aidiyyatı yox idi. Bir daha şahidi olduq ki, radikal müxalifəti təmsil edən qüvvələr həmişə olduğu kimi yenə də uğursuzluqla qarşılaşdılar, hər zamankı kimi yenə razılaşdırılmamış aksiyaları iflasa uğradı. Bir daha aydın oldu ki, elə də güclü elektoratı olmayan radikal qüvvələrin əlaqədar qurumlar tərəfindən icazə verildiyi ərazilərdə deyil, paytaxtın məkəzində mitinq, piket keçirməsi birmənalı olaraq ölkədə qarışıqlıq yaratmaq niyyəti güdür. Bu hərəkətlər qanunvericiliyin tələblərinə zidd olsa da, onlar öz əməllərindən qalmırlar.
Bəli, hər kəsin gözü qarşısında müxalifətin növbəti dəfə mərkəzdə mitinq keçirmək cəhdləri də uğursuzluğa düçar oldu, camaat gəlmədi, vətəndaşlar bu aksiyanı boykot etdilər, qeyd etdiyimiz kimi tərəfdarları isə çox az sayda gözə göründü. Jurnalistləri nəzərə almasaq mitnq keçirilən ərazidə çox az sayda müxalifət təmsilçiləri gözə dəyirdilər. Onlar taksilərin, nəqliyyatın hərəkətinə mane olur, vətəndaşların dincliyini pozurdular.
Müxalifətin radikal aksiyalarının mərkəzdə keçirilməsi hansı səbəbdən uğursuzluğa düçar olur?
Radikal müxalifətin bu gün keçirilən mitinqinin də şou olduğunu qeyd edən ekspertlər hesab edir ki, bu mitnqlərin uğursuz alınmasının səbəbi xalqdan heç bir dəstək ala bilməməsi ilə bağlıdır. Müxalifətin öz sosial bazasını itirdiyini və sosial dayaqlara malik olmadığını deyən ekspertlər hesab edir ki, bunu radikal qüvvələr dərk etmək istəmir. Müxalifətin dağıdıcılıq missiyasını yerinə yetirdiyini xalqın yaxşı bildiyini deyən ekspertlərin fikrincə, onlar xalqdan heç bir real dəstək ala bilmir.
“Xalq cəbhəsi” qəzetinin baş redaktoru, tanınmış politoloq Elçin Mirzəbəyli bu uğursuzluğun səbəblərini baki-xeber.com-a açıqladı. “Əslində, icazəsiz aksiyanın keçirilməsinin və onun həmişə uğursuzluğa düçar olmasının bir neçə səbəbi var. Bu səbəblərdən biri də radikal müxalifətin keçirdiyi icazəsiz aksiyaların uğursuzluğa düçar olcağının əvvəlcədən bəlli olmasıdır. Çünki radikal müxalifət özünə güvənsəydi bu mitinqi razılıq verilən yerdə keçirərdi. O zaman həmin mitnqdə yalnız o qüvvələrə aid olan kiçik elektorat iştirak edəcəkdi. Onların şəhərin mərkəzində, insanların gur olduğu yerlərdə icazəsiz aksiyalar keçirməsinin səbəbi həmin ərazidə olan insanları da mitnq iştirakçıları kimi təqdim etmək cəhdləri ilə bağlıdır. Yəni guya ki, o insanlar da mitnqə qoşulublar, bu onların görüntü yaratmaq cəhdlərinə xidmət edir. Eyni zamanda bu onların öz uğursuzluqlarını ört-basdır etməkdən başqa bir şey deyil. Həmin qüvvələrə Azərbaycan cəmiyyəti tərəfindən heç bir siyasi dəstək yoxdur, vətəndaşlarımız bu insanları dəstəkləmirlər. Əslində, o qüvvələr ölkə siyasətində mövcud olduqca Azərbaycanda konstruktiv düşüncəli siyasi qurumların inkişafına əngəl törədirlər, ölkədə çox partiyalı sistemin formalaşmasına maneə olurlar. Bu gün onların fəaliyyəti, keçirdikləri icazəsiz mitnqlər yalnız ölkədə qarışıqlıq yaratmaq, təlimat aldıqları xarici himayədarlarının sifarişlərini yerinə yetirməkdən ibarət deyil, eyni zamanda onların qarşısına qoyulan vəzifələrdən biri ölkədə həyata keçirilən islahatların gedişatına mane olmaqdan ibarətdir. Azərbaycanda cənab Prezidentin qeyd etdiyi kimi müəyyənləşdirilmiş islahatlar həyata keçirilir, ciddi siyasi iradə ortadadır. Belə olduğu halda ölkədə az da olsa qarışıqlıq yaratmaq cəhdləri istər-istəməz islahat prosesinə mane olmaq, ölkənin inkişafının qarşısında dayanmaqdır. Bu inkişafın əleyhinə olan qüvvələrin yanında xaqın olmaması təbiidir. Radikal müxalifətin oktyabrın 19-da paytaxtın mərkəzində keçirmək istədiyi mitinqin də uğursuzluğa düçar olmasının səbəbi onların xalqdan heç bir dəstək ala bilməməsi ilə bağlıdır” - deyə E.Mirzəbəyli vurğuladı.
İradə SARIYEVA
.jpg)
