22/11/2019 19:18
728 x 90

Dünyada Ermənistanın qəhrəmanlaşdırdığı faşist Njdenin heykəllərinin sökülməsinə başlandı

Qasım Hacıyev: “Krasnodarın yerli əhalisinin erməni kilsəsinə hücum edərək üzərindən Njdenin barelyefini söküb atması çox mühüm hadisədir”

img

Ermənistanın həyata keçirdiyi faşizm siyasətinin təbliğində xarici ölkələrdə yaşayan ermənilər də aktiv iştirak edirlər. Rusiyanın bir sıra vilayətlərində yaşayan ermənilər hətta burada faşizmin də təbliğini cani-dildən həyata keçirirlər.

Rusiyanın Krasnodar vilayətində kütləvi yaşayan ermənilər faşizmin təbliğatına buradakı erməni kilsəsini də cəlb edə biliblər. Belə ki, bir müddət əvvəl ermənilər bu vilayətdəki erməni kilsəsinin üzərinə Hitlerin əlaltısı olan cani Qaregin Njdenin barelyefini vurmağa nail olublar. Şübhəsiz ki, nasizmin, faşizmin və ermənizmin, şovinizmin təbliğində xüsusi rol oynayan erməni kilsəsi öz zərərli fəaliyyətilə bütün xalqlara və dövlətlərə təhlükə yaradır.

Sosial şəbəkələrdə və Rusiya KİV-də yayılan məlumata görə, Krasnodarın yerli əhalisi buradakı erməni kilsəsinə hücum edərək üzərindən faşist Njdenin barelyefini söküb atıb.

“...digər ölkələrdə də Njdeyə aid heykəllər, büstlər dağıdılacaq”

Njdenin barelyefinin sökülüb atılmasını artıq Njdenin heykəllərinin sökülməsi hərəkatının başlanğıcı sayan Azərbaycan Milli Elmlər Akademiyasının Qafqazşünaslıq İnstitutunun ermənişünaslıq şöbəsinin müdiri, professor Qasım Hacıyev “Bakı-Xəbər”ə bildirdi ki, Azərbaycan Respublikası Prezidentinin MDB dövlət başçıları Şurasının Aşqabadda keçirilən sammitində Ermənistanın faşizmi təbliğ etməsini, burada faşistlərin əlaltısı olan Njdenin heykəlinin qoyulmasını xüsusi vurğulaması dünyada Njdenin heykəllərinin götürülməsi üçün əsas oldu. “Ermənilərin Rusiyanın bir sıra vilayətlərində, o cümlədən də Krasnodarda dərin kök salması yalnız bizim üçün deyil, həm də Rusiyanın özü üçün böyük təhlükədir. Ermənilər bu vilayəti, əməlli-başlı, əllərinə alıblar, hətta burada Şaumyanın adına böyük bir prospekt də var. Mən 1992-ci ildə Krasnodarda olarkən burada ermənilərin fəaliyyətini açıq şəkildə gördüm. Ermənistanın faşist əlaltılarına heykəl qoyması, onları qəhrəmanlaşdırması tendensiyasını xaricdə yaşayan ermənilər də davam etdiriblər. Kilsə öz işini görmək əvəzinə, faşist əlaltısı Njdeyə barelyef qoyur. Əlbəttə, bu gün Rusiya əhalisi yaxşı başa düşür ki, faşizm bütün hallarda təhlükədir və bütün xalqların məhvinə yönəlik bir ideologiyadır. Krasnodarın yerli əhalisinin erməni kilsəsinə hücum edərək üzərindən Njdenin barelyefini söküb atması çox mühüm hadisədir. Hesab edirəm ki, Krasnodarda Njdenin barelyefinin sökülməsi başqa ölkələrdə də bu halın təkrarlanması üçün bir zəmindir, digər ölkələrdə də Njdeyə aid heykəllər, büstlər dağıdılacaq”.

Artıq bu prosesin başlandığını deyən Q.Hacıyevin sözlərinə görə, bu addım həm də faşizmin beşiyinə çevrilən Ermənistana sərt bir mesajdır. Onun qeyd etdiyinə görə, bu barelyefi heç bir dövlət qurumundan göstəriş almadan sadə vətəndaşların söküb atması o deməkdir ki, başqa ölkələrdə də sadə vətəndaşlar bu addımı ata bilərlər.

Q.Hacıyev onu da əlavə etdi ki, bu gün Rusiyada yaşayan ermənilər Krasnodar, Rostov və Soçi şəhərlərinə qarşı ərazi iddiaları qaldırıblar. Bir neçə il əvvəl yerli əhalinin tələbi ilə ermənilərin bu vilayətlərdən deportasiya edilməsi də gündəmdə olub, lakin müəyyən səbəblərdən bu həyata keçirilməyib.

İradə SARIYEVA

Son xəbərlər