Türkiyə və suriyalı üsyançı müttəfiqlərinin oktyabrın 9-da Suriyanın şimal-şəqrində başlatdığı hərbi əməliyyatlar davam edir. Baki-xeber.com xəbər verir ki, indiyə qədər Rasulayn və Tel Abyad şəhərləri, bu şəhərlərə bağlı 42 kənd PKK/PYD-YPG terrorçularından azad edilib. Beş gündür davam edən əməliyyatlar nəticəsində 525 terrorçu məhv edilib.
Türkiyə qurudan və havadan hücumlara ABŞ prezidenti Donald Tramp Amerika qüvvələrini sərhəd bölgəsindən çıxardıqdan sonra başlayıb.
Bu arada, ABŞ Müdafiə naziri Mark Esper Trampın, şimali Suriyadakı bütün Amerika əsgərlərinin cənuba çəkilmələrini, ancaq ölkəni tərk etməməyi əmr etdiyini açıqlayıb.
Esper CBS telekanalına açıqlamasında, “Barış pınarı” (Sülh bulağı) əməliyyatının şimali Suriyada təhlükəli vəziyyət yarada biləcəyini və buna görə də ABŞ ordusunun planlı şəkildə cənuba çəkiləcəyini deyib. Esper Trampın ordunun ölkəni tamamən tərk etməsi əmrinin olmadığını vurğulayıb. Müdafiə naziri təxminən min ABŞ əsgərinin şimali Suriyadan cənuba doğru çəkiləcəyini deyib.
Esper son sutka ərzində, Türkiyənin hücumları, öncə planlaşdırılandan fərqli olaraq cənuba doğru genişləndirmək və qərbə doğru irəliləmək niyyətində olduqlarını öyrəndiklərini deyib. Esper həmçinin PKK/PYD-YPG-nin üstünlük təşkil etdiyi Suriya Demokratik Qüvvələrinin Türkiyəyə qarşı hücuma keçmək üçün Suriya rejimi və Rusiya ilə razılaşma əldə etdiklərini bildirib.
“Etirazlarımıza baxmayaraq, Türkiyənin əməliyyatları öncə planlaşdırılandan fərqli olaraq cənuba və qərbə doğru daha da genişləndirəcəyini bilirik. Bu isə göstərir ki, onlar ölkənin içinə doğru 30 km-dən daha dərin və təxminən 440 km-ə qədər gedəcək. Eyni zamanda Suriya Demokratik Qüvvələrinin son 24 saatda ruslar və suriyalılarla razılaşma əldə etdiklərini görürük. Bu da ABŞ əsgərlərinin şimala doğru hərəkət edən Suriya-Rusiya ordusu ilə cənuba doğru irəliləyən Türkiyə ordusu arasında qalır. Bu bizi çox çətin vəziyyətə salır və əsgərlərimizin təhlükəsizliyi mənim üçün prioritetdir” - ABŞ Müdafiə naziri deyib.
Esper şimali Suriyada vəziyyətin çox qarmaqarışıq hal alacağna da vurğulayıb: “Minə yaxın əsgərimizi oradan təhlükəsiz şəkildə çəkməyi planlaşdırırıq. Bununla bağlı kokret vaxt demək istəmirəm, oradakı vəziyyət hər saat dəyişir”.
ABŞ-ın 15 minlik türk qüvvələrini dayandıra bilməyəcəyini deyən Esper, Türkiyəni danışıqlar yolu ilə razı salmağa çalışdıqlarını və bu istiqamətdə irəliləyiş əldə etdiklərini düşündüklərini, ancaq bunun belə olmadığını gördüklərini söyləyib. Türkiyənin PKK ilə mübarizəsinin uzun illərdir davam etdiyini bildirən Esper YPG/PKK ilə İŞİD-ə qarşı anlaşma əldə etdiklərini, ancaq Türkiyənin əvvəldən buna qarşı çıxdığını vurğlayıb.
Esper ABŞ rəsmilərinin türk həmkarları ilə danışıqlar zamanı onların bu məsələdə nə qədər qərarlı olduqlarını gördüklərini deyib: “Türkiyənin irəliləməsinin qarşısına ABŞ qüvvələrini çıxarmamaqla bağlı qərar qəbul etdik”.
“Bizimlə Koreyadan Əfqanıstana qədər birlikdə savaşan, uzun müddətdir NATO otağımız Türkiyəyə qarşı Orta Şərqdə savaş başlada bilmərik. Belə bir vəziyyətdən söhbət gedə bilməz” - Esper deyib.
Bu arada, Suriya dövlət agentliyi Bəşər Əsəd rejiminə bağlı qüvvələrin ölkənin şimalına doğru hərəkət etməyə başladığına dair məlumat yayıb. “SANA” Əsəd rejiminin Türkiyənin hücumlarının qarşısını almaq üçün hərəkətə keçdiyini bildirib. Bundan əvvəl isə rejimə yaxınlığı ilə bilinən “El Mayadin” telekanalı mənbələrə istinad edərək, Suriya ordusunun 48 saat ərzində Menbiç və Kobaniyə girəcəyinə dair məluma yayıb.
