15/10/2019 18:30
728 x 90

Qeyri-neft Fransa şirkətlərinin Bakıya yürüməsinin Ermənistanda doğurduğu narahatlıq...

“Ermənistanın Rusiya və İranla sıx iqtisadi əlaqələri də Fransa şirkətlərini narahat edən faktor sırasına aiddir”

img

Son vaxtlar Fransa ilə Azərbaycan arasında bütün sahələr üzrə əməkdaşlıq daha da dərinləşməkdədir. Xüsusilə də Fransanın qeyri-neft sektorunu əhatə edən şirkətlərinin Azərbaycan iqtisadiyyatına maraqları artıb. Bu yaxınlarda Fransa Sahibkarlar Təşkilatına – MEDEF-ə üzv olan şirkətlərin nümayəndələrinin ölkəmizə səfəri reallaşdı. 

MEDEF Biznes Şurasının prezidenti Jofrua Ru de Beziö qeyd edib ki, fransız biznes ictimaiyyəti Azərbaycana böyük maraq göstərir. O, 170 min şirkətin üzv olduğu təşkilatın ölkəmizə gələn nümayəndə heyətinə bank, tikinti, enerji, ətraf mühit, tədbirlərin təşkili, yeni texnologiya sahələrini təmsil edən şirkətlərin daxil olduğunu və onların 12 sektoru əhatə etdiyini bildirib. "Bizim üçün bu şirkətləri dəstəkləmək və onları Azərbaycanın böyük potensialı olduğuna inandırmaq çox vacibdir", - deyən qonaq nümayəndə heyətində qeyri-neft sektorunu təmsil edən şirkətlərin əksəriyyət təşkil etdiyini vurğulayıb. Fransanın qeyri-neft sektorunu təmsil edən şirkətlərin Azərbaycana böyük maraq göstərməsi Ermənistanda ciddi narahatlıq doğurub. Onların isterikasından belə başa düşülür ki, rəsmi İrəvan Fransa şirkətlərinin həmin ölkədən kapitalını geri çəkəcəyindən bərk narahatdır. Ermənistanın narahatlığının başqa hansı səbəbləri ola bilər?

  • Arzu Nağıyev: “İqtisadi baxımdan da Ermənistanda Fransa şirkətlərini özünə cəlb edən heç bir perspektiv yoxdur”

Politoloq Arzu Nağıyev “Bakı-Xəbər”ə açıqlamasında bildirdi ki, Azərbaycan-Fransa münasibətləri tək bu günün münasibətləri deyil: “Məlumdur ki, hələ 1997-ci ildən ARDNŞ və Fransanın “Total” və “Elf “ şirkətləti  arasında Xəzərin neft ehtiyatlarının istismarı haqqında müqavilə imzalanıb. İki dövlət arasında ticarət dövriyyəsi milyard dollarlara bərabərdir. Fransanın 50-yə yaxın şirkəti hazırda Azərbaycanda fəaliyyət göstərir, müxtəlif layihələr həyata keçirilir, buraya metropolitenlə, məişət tullantıları ilə bağlı və digər layihələr də aiddir. Təkcə Azərbaycanın telekommunikasiya peykinin orbitə qaldırılmasında fransız şirkətlərinin iştirakı bir misal olaraq kifayət edər. Təbii ki, burada hərbi sənaye kompleksinin də öz yeri var. Siyasi məsələlərə gəldikdə, Azərbaycan-Avropa əlaqələrində Fransa mühüm rol oynayır. Eyni zamanda, ATƏT-in Minsk Qrupunun üzvüdür, regional təhlükəsizliyə təhdidin qarşısının alınmasında hər iki dövlətin mühüm rolu var. Qeyd edildiyi kimi, enerji təhlükəsizliyinə təhdidin qarşısının alınmasında hər iki dövlətin rolu mühüm əhəmiyyətlidir, “Cənub Qaz Dəhlizi”, “Total” və “Gaz de France” şirkətlərini buna misal çəkmək olar. Bizim əməkdaşlığımız, eyni zamanda, humanitar sahəni də əhatə edir. Burada mərkəzlərin, litseylərin yaradılmasını da göstərmək olar. Yəni bunları sadalamaqda məqsəd odur ki, Azərbaycan-Fransa əlaqələri Ermənistana çoxdan aydındır və əksinə, onlar çalışıblar ki, bu əlaqələr inkişaf etməsin. Lakin Fransa Azərbaycanı özünə daim bir etibarlı biznes və siyasi tərəfdaş sayıb. Ermənistan bu gün siyasi və iqtisadi cəhətdən, demək olar ki, iflasa uğrayan bir dövlətdir və Fransa da bunu dərk edir, sadəcə olaraq müəyyən lobbiçilik siyasətinə uyğun olaraq arabir humanitar addımlar atır. Ermənistanın Rusiya və İranla sıx iqtisadi əlaqələri də Fransa şirkətlərini narahat edən faktor sırasına aiddir. Çünki hər iki ölkəyə sanksiya tətbiqi var. Bir sözlə, Azərbaycan-Fransa yaxınlaşması Ermənistanı narahat etməyə bilməz. İqtisadi baxımdan da Ermənistanda Fransa şirkətlərini özünə cəlb edən heç bir perspektiv yoxdur”.

Məhəmmədəli QƏRİBLİ

Son xəbərlər